پرەزيدەنت: قارۋلى وقيعالار ءبىر ورتالىقتان ۇيلەستىرىلگەن

«ميتينگىلەر ءوتىپ, ولاردىڭ قاتىسۋشىلارى الەۋمەتتىك-ەكونوميكالىق جانە قوعامدىق-ساياسي تالاپتاردى جاريالادى. ولاردىڭ بارلىعى ەستىلدى جانە مەملەكەت تاراپىنان ورىندالدى. ۇكىمەت وتستاۆكاعا كەتتى. اۆتوگاز باعاسى بۇرىنعى دەڭگەيدە بەكىتىلدى. ءبىز الەۋمەتتىك-ەكونوميكالىق ناقتى شارالار كەشەنى مەن قوعامدىق-ساياسي رەفورمالاردىڭ ناقتى جوسپارىن قابىلداۋ تۋرالى جاريالادىق. الايدا قازاقستانعا قارسى اگرەسسيا ۇيىمداستىرۋشىلارى ءۇشىن بۇل ەشقانداي ماڭىزعا يە بولمادى. ستيحيالىق نارازىلىقتى جامىلىپ, جاپپاي تارتىپسىزدىك تولقىنى جايىلىپ كەتتى», دەدى مەملەكەت باسشىسى ۇقشۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا.

پرەزيدەنتتىڭ ايتۋىنشا, ءدىني راديكالدار, كريمينالدى ەلەمەنتتەر, توناۋشىلار, بانديتتەر جانە باسقا دا ۇساق بۇزاقىلار ءبىر بۇيرىقپەن باس كوتەرگەندەي بولدى.

«الەۋمەتتىك, ەكونوميكالىق, قوعامدىق-ساياسي تالاپتار كەيىنگە ىسىرىلدى. وسىدان كەيىن ءوز ساعاتىن كۇتكەن قارۋلى سودىرلار توبى ارەكەت ەتە باستادى. باستى ماقساتى دا بەلگىلى بولدى – كونستيتۋتسيالىق قۇرىلىمدى بۇزۋ, باسقارۋ ينستيتۋتتارىن قۇلاتۋ, بيلىكتى باسىپ الۋ. مۇندا مەملەكەتتىك توڭكەرىس تۋرالى ايتىلىپ وتىر», دەدى قاسىم-جومارت توقاەۆ.

سونداي-اق قاسىم-جومارت توقاەۆ بارلىق قارۋلى وقيعالاردىڭ ءبىر ورتالىقتان ۇيلەستىرىلگەنىن ايتتى.