ەلباسى نۇرسۇلتان نازارباەۆ ەلوردادا. بۇل تۋرالى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كەڭەسشىسى - ءباسپاسوز حاتشىسى ايدوس ۇكىباي تۆيتتەردە جازدى.
«ەلباسى قازاقستان استاناسىندا, نۇر-سۇلتان قالاسىندا. قاساقانا جالعان جانە ەكىۇشتى اقپارات تاراتپاۋدى سۇرايمىز. ەلباسى بىرنەشە كونسۋلتاتيۆتى كەزدەسۋلەر وتكىزىپ جاتىر جانە قازاقستان پرەزيدەنتى قاسىم-جومارت توقاەۆپەن تىكەلەي بايلانىستا», دەپ جازدى ايدوس ۇكىباي تۆيتتەر پاراقشاسىندا.
سونىمەن بىرگە ن. نازارباەۆ قازاقستانمەن دوس مەملەكەتتەردىڭ باسشىلارىمەن تەلەفون ارقىلى سويلەسكەن.
«ەلباسى قازىرگى سىن-قاتەرلەردى ەڭسەرىپ, ەلىمىزدىڭ تۇتاستىعىن قامتاماسىز ەتۋ ءۇشىن بارلىعىن قازاقستان پرەزيدەنتى ماڭىندا جۇمىلۋعا شاقىرادى», دەيدى ا. ۇكىباي.