قر پرەزيدەنتى قاسىم-جومارت توقاەۆ ەلدەگى تارتىپسىزدىكتەر كەزىندە قايتىس بولعان قازاقستاندىقتاردىڭ جاقىندارىنا كوڭىل ايتتى.
«تاۋەلسىزدىكتىڭ 30 جىلدىعىنا ارنالعان سوزىمدە قازاقستاندا عانا ەمەس, بارشا وركەنيەتتى مەملەكەتتەردە بەرەكە-بىرلىكتىڭ كەپىلى زاڭ مەن ءتارتىپ ەكەنىن ايتقان بولاتىنمىن. بۇل ازاماتتىق ەركىندىك پەن ادام قۇقىعىن تاپتاۋعا بولا بەرەدى دەگەن ءسوز ەمەس. كەرىسىنشە, الماتى قالاسى مەن قازاقستاننىڭ وزگە دە قالالارىنداعى تراگەديا كورسەتكەنىندەي, زاڭداردىڭ ساقتالماۋى, شەكتەن شىعۋ, انارحيا ادام قۇقىقتارىنىڭ بۇزىلۋىنا الىپ كەلەدى», دەدى مەملەكەت باسشىسى قازاقستان حالقىنا ۇندەۋىندە.
پرەزيدەنت وسى تراگەديالار كەزىندە قايتىس بولعانداردىڭ وتباسىنا كوڭىل ايتتى.
«الماتىدا بانديتتەر مەن تەرروريستەردىڭ قولىنان جۇزدەگەن ازاماتتىق تۇلعالار مەن اسكەريلەردىڭ دەنساۋلىعىن ايتپاعاننىڭ وزىندە تەك اكىمشىلىك عيماراتتار عانا ەمەس, بەيبىت تۇرعىنداردىڭ م ۇلىكتەرى ءب ۇلىندى. مەن قايتىس بولعانداردىڭ وتباسىلارى مەن جاقىندارىنا كوڭىل ايتامىن», دەدى پرەزيدەنت.