ماڭعىستاۋ وبلىسىنىڭ اكىمى نۇرلان نوعاەۆ جاڭاوزەن قالاسىندا سۇيىتىلعان گاز باعاسىن تومەندەتۋدى تالاپ ەتكەن اۆتوكولىك يەلەرىمەن كەزدەستى, دەپ حابارلايدى Egemen.kz ماڭعىستاۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.
نۇرلان نوعاەۆ جينالعاندارعا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا سۇيىتىلعان گاز باعاسىن بەلگىلەۋگە قاتىستى ۇكىمەت قابىلداعان شارالاردى ءتۇسىندىردى.
ۇكىمەت سۇيىتىلعان مۇناي گازىنىڭ باعاسىن رەتتەۋ جونىندەگى شارالار پاكەتىن ىسكە اسىراتىن بولادى. ءوڭىر باسشىسى بيزنەستىڭ الەۋمەتتىك جاۋاپكەرشىلىگى اياسىندا گاز قۇنىن ليترىنە 120 تەڭگەدەن 85-90 تەڭگەگە دەيىن تومەندەتۋ تۋرالى شەشىم قابىلداعانىن حابارلادى.
«باعا دالىزدەرىن بەلگىلەۋ جانە گاز باعاسىنىڭ الىپساتارلىق جۇيەمەن وسۋىنە جول بەرمەۋ ارقىلى ۇزاق مەرزىمدى باعا تۇراقتىلىعىن قامتاماسىز ەتۋ بويىنشا جۇيەلى شارالار جۇزەگە اسىرىلادى», دەدى نۇرلان نوعاەۆ كەزدەسۋ بارىسىندا.