9 قاڭتاردان باستاپ يزرايل بيلىگى ۆاكتسيناتسيالانعان جانە كوروناۆيرۋس دەرتىمەن اۋىرعان شەتەلدىكتەرگە ەلگە كىرۋگە رۇقسات بەردى, دەپ حابارلايدى Egemen.kz اتالمىش ەلدىڭ دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«پرەمەر - مينيستر مەن سىرتقى ىستەر, دەنساۋلىق ساقتاۋ, ىشكى ىستەر, تۋريزم جانە كولىك مينيسترلىكتەرى 9 قاڭتاردان باستاپ مارتەبەسى «سارى» ەلدەردەن ۆاكتسيناتسيالانعان جانە كوروناۆيرۋسپەن ىلگەرىدە اۋىرعان شەتەلدىكتەردىڭ ەلگە كىرۋىنە رۇقسات بەرەمىز دەگەن قورىتىندىعا كەلدى», دەلىنگەن ۆەدومستۆو حابارلاماسىندا.