بيىل الماتىدا نەسيەلەندىرۋدىڭ مەملەكەتتىك باعدارلامالارى اياسىندا 3,5 مىڭنان استام جۇمىس ورنى اشىلدى.
نەسيەلەۋ باعدارلامالارىنىڭ بيۋدجەتى وسى جىلى 47,3 ملرد تەڭگەنى قۇرادى. بۇل كورسەتكىش وتكەن جىلمەن سالىستىرعاندا 49 پايىزعا ارتىق (2020 جىلى – 31,8 ملرد تەڭگە), ونىڭ ىشىندە جەرگىلىكتى بيۋدجەت قاراجاتى – 28,9 ملرد تەڭگەنى قۇرايدى. ال رەسپۋبليكالىق بيۋدجەتتەن بولىنگەن قاراجات – 18,4 ملرد تەڭگە. بيۋدجەتتىڭ 58 پايىزى سۋبسيديالاۋ جانە كەپىلدىك بەرۋ قۇرالدارىنا, ال 42 پايىزى نەسيە بەرۋگە جۇمسالعان. بيزنەستى قولداۋدىڭ مەملەكەتتىك جانە وڭىرلىك باعدارلامالارى اياسىندا 3 212 جوبا قارجىلاندىرىلىپ, 278,4 ملرد تەڭگە جۇمسالعان.
الماتى قالاسى اكىمىنىڭ ورىنباسارى ماقسات قيقىموۆ اتاپ وتكەندەي, قالا بيزنەسى مەملەكەتتىك قولداۋدىڭ بارلىق شاراسىن بەلسەندى قولدانىپ كەلەدى. ماسەلەن, 2018-2019 جىلدارى نەگىزىنەن ءىرى جانە ورتا كاسىپورىندار قارجىلاندىرىلسا, بىلتىردان باستاپ ميكرو جانە شاعىن بيزنەستى قولداۋ مەن قارجىلاندىرۋ بويىنشا كورسەتكىش جاقسارعان. ساناتتار بويىنشا بيىل بارلىق جوبانىڭ جارتىسىنان استامىن شاعىن بيزنەس قۇرايدى. سالالار بولىنىسىندە نەگىزگى ۇلەس ونەركاسىپكە جانە كولىككە تيەسىلى. اۋداندار بويىنشا قارجىلاندىرىلعان جوبالاردىڭ ەڭ كوبى مەگاپوليستىڭ اۋەزوۆ, المالى, بوستاندىق جانە الاتاۋ اۋداندارىندا ورنالاسقان.
«بجك–2025» باعدارلاماسىنا وراي وسى جىلى 2 815 جوبا قارجىلاندىرىلىپ, 184,6 ملرد تەڭگە نەسيە سوماسى يگەرىلگەن. ونىڭ ىشىندە 231 جوباعا بولىنگەن قايتارىمسىز يننوۆاتسيالىق گرانتتىڭ جالپى سوماسى – 690 ملن تەڭگە. «بجك-2025» بويىنشا جوبالاردىڭ ەڭ كوپ سانى كەلەسى سالالاردا قارجىلاندىرىلدى: كولىك جانە قويما – 19,1, ساۋدا جانە قىزمەتتەر – 18,9, ونەركاسىپ – 14,3 پايىز.
مەملەكەتتىك باعدارلامالار اياسىندا «قاراپايىم زاتتار ەكونوميكاسى» بويىنشا 41,7 ملرد تەڭگە نەسيە سوماسىنا – 28 جوبا, «اوك» بويىنشا 36,2 ملرد تەڭگە سوماسىنا – 15 جوبا, «ەڭبەك» بويىنشا 1,5 ملرد تەڭگەگە 102 جوبا قارجىلاندىرىلدى. وڭىرلىك باعدارلامالار اياسىندا Almaty Business بويىنشا 8,9 ملرد تەڭگەگە – 119 جوبا, Almaty Business – 2025 بويىنشا 5,5 ملرد تەڭگەگە 133 جوبا قارجىلاندىرىلدى.
قالا شەتىندەگى بيزنەستى قولداۋ دا ماڭىزدى باعىتتاردىڭ ءبىرى. باعدارلاما ىسكەرلىك بەلسەندىلىگى تومەن اۋدانداردا تانىمال بولا باستادى. وعان قالانىڭ 5 اۋدانى (الاتاۋ, اۋەزوۆ, جەتىسۋ, ناۋرىزباي, تۇركسىب) كىرەدى. بۇگىندە اتالعان اۋدانداردا 3,3 ملرد تەڭگەدەن استام سوماعا 74 جوبا قارجىلاندىرىلعان.
الماتى