بىرىككەن اراب امىرلىكتەرىنىڭ دۋباي قالاسىندا فۋتبولشىلاردىڭ 2021 جىلعى ماۋسىمى قورىتىندىلانىپ, ءداستۇرلى Globe Soccer Awards سىيلىعىن تاپسىرۋ ءراسىمى ءوتتى.
سالتاناتتى شارادا ءتۇرلى اتالىمدار بويىنشا تاعايىندالعان سىيلىقتاردىڭ يەگەرلەرى مىنالار: «ەڭ ۇزدىك ۇلتتىق كوماندا» – يتاليا قۇراماسى, «ەڭ ۇزدىك كلۋب» – لوندوننىڭ «چەلسيى», «جىلدىڭ ەڭ ۇزدىك قورعاۋشىسى» – لەوناردو بونۋچچي («يۋۆەنتۋس», تۋرين), «جىلدىڭ ەڭ ۇزدىك ويىنشىسى» – كيليان مباپپە (پسج, پاريج), «جىلدىڭ ەڭ ۇزدىك سۇرمەرگەنى» – روبەرت لەۆاندوۆسكي («باۆاريا», ميۋنحەن) جانە «جىلدىڭ ەڭ ۇزدىك باپكەرى» – روبەرتو مانچيني (يتاليا قۇراماسى).
ال وسى الەمگە ايگىلى تۇلعالار اراسىنان ەڭ ۇلكەن ماراپاتقا كريشتيانۋ رونالدۋ يە بولدى. پورتۋگاليا ۇلتتىق قۇراماسى مەن انگليانىڭ «مانچەستەر يۋنايتەد» كلۋبىنىڭ جۇلدىزى «فۋتبول تاريحىنداعى ەڭ ۇزدىك سۇرمەرگەن» دەگەن ارنايى اتاققا يە بولدى.