تاۋەلسىزدىكتىڭ 30 جىلدىعىنا وراي الماتى قالاسىنىڭ اكىمدىگى الەۋمەتتىك ماقساتتاعى جوبالارعا قاتىستى ءىس-شارالار جوسپارىن جۇزەگە اسىرىپ كەلەدى. وسى ورايدا تۇڭعىش پرەزيدەنت كۇنىنە جانە تاۋەلسىزدىك مەرەكەسىنە وراي Halyk قورىمەن بىرلەسىپ 2 مىڭنان استام ازىق-ت ۇلىك جيىنتىعى ۇلەستىرىلگەنى تۋرالى قالا اكىمىنىڭ ورىنباسارى ماقسات قيقىموۆ حاباردار ەتتى.
مەرەكە قارساڭىندا قالالىق اكىمدىك دەمەۋشىلەر مەن مەتسەناتتاردىڭ قولداۋىمەن از قامتىلعان وتباسىلارعا, ياعني 541 467 ادامعا ازىق-ت ۇلىك جيىنتىعى, كيىم, اياق-كيىم, كرەسلو-اربا, ىستىق تاماق, ويىنشىقتار, ۇيگە قاجەتتى زاتتار, تۇرمىستىق تەحنيكا, سپورت سەكتسيالارىنداعى ساباقتار تۇرىندە جانە باسقا دا باعىتتاعى قايىرىمدىلىق كومەك كورسەتتى.
اكىمدىك تاراپىنان سونىمەن قاتار جەلتوقسان كوتەرىلىسىنە قاتىسۋشىلارعا جىل سايىن 150 مىڭ تەڭگە كولەمىندە بىرجولعى الەۋمەتتىك كومەك بەرىلىپ كەلەدى. قازىرگى ۋاقىتتا ساناتوري-كۋرورتتىق ەمدەۋ شارالارىنا قاتىستى ماسەلە قاراستىرىلۋدا. الەۋمەتتىك قورعاۋ ماقساتىندا الماتى قالاسىندا تىركەلگەن جانە تۇراتىن باسقا مەملەكەتتەردىڭ اۋماعىندا بولعان ۇرىس قيمىلدارىنىڭ ارداگەرلەرىنە الاتىن زەينەتاقى مولشەرىنىڭ 25 پايىزىن تولەي وتىرىپ, ساناتوري-كۋرورتتىق ەمدەلۋگە كومەك بەرىلۋدە. ەكىنشى دۇنيەجۇزىلىك سوعىس ارداگەرلەرىنە 100 مىڭ تەڭگە مولشەرىندە بىرجولعى الەۋمەتتىك كومەك كورسەتۋ جولعا قويىلعان بولسا, قالالىق قوعامدىق كولىكتە ءجۇرۋ ءۇشىن جەڭىلدىكتى ەلەكتروندى كولىك كارتالارى ەنگىزىلگەن.
سونىمەن قاتار قيىن جاعدايدا قالعان ادامداردى «پانا» الەۋمەتتىك بەيىمدەۋ ورتالىعىنا ورنالاستىرۋ مۇمكىندىگى قاراستىرىلىپ وتىر. ورتالىقتا پسيحولوگيالىق, مەديتسينالىق جانە زاڭ كەڭەستەرى بەرىلەدى. سونىمەن قاتار مۇنداي ادامدارعا قۇجاتتارىن قالپىنا كەلتىرۋگە, جەكە كۋالىكتى العاشقى رەسىمدەۋگە (كسرو-نىڭ قىزىل پاسپورتى), وتباسىلارىنا ورالۋعا, جاسىنا بايلانىستى زەينەتاقى رەسىمدەۋگە, مۇگەدەكتىك تاعايىنداۋعا, وتانىنا ورالۋعا كومەكتەسەدى.
زەينەتكەرلىك جاس الدىنداعى ادامداردى حالىقتى جۇمىسپەن قامتۋ ورتالىعىندا تۇراقتى جۇمىسپەن قامتۋ جۇزەگە اسىپ كەلەدى. سونداي-اق مەملەكەت تاراپىنان سۋبسيديالاناتىن قوعامدىق جۇمىستارعا, الەۋمەتتىك جۇمىس ورىندارىنا, قىسقا مەرزىمدى كۋرستارعا, گرانتتار بەرۋگە جولدامالار بەرىلەدى. ال زەينەتكەرلىك جاستاعى ادامدار جۇمىسسىز رەتىندە رەسمي تىركەۋسىز بوس جۇمىس ورىندارىنا جىبەرىلەدى. كەلەسى جىلدان باستاپ جۇمىسپەن قامتۋ شارالارىن ىسكە اسىرۋ 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوسپار شەڭبەرىندە, ناقتى ايتقاندا, جۇمىسسىزدىق كەزەڭى 1 جىلدان اساتىن زەينەتاقى الدىنداعى جاستاعى ادامداردى زەينەتكە شىققانشا 24 ايعا دەيىن جۇمىسقا ورنالاستىرۋ بويىنشا «كۇمىس جاس» جاڭا باعىتىن ەنگىزۋ كوزدەلىپ وتىر. بۇل باعىت سۋبسيديا مولشەرى 60 مىڭ تەڭگەدەن اسپايتىن مولشەردە جالاقىنىڭ 50 پايىزىنا دەيىن قارجىلاندىرۋدى كوزدەيدى.
الماتى