باشقۇرتستان رەسپۋبليكالىق مەملەكەتتىك اۆتوينسپەكتسيا ءباسپاسوز قىزمەتىنىڭ جەدەل مالىمەتتەرى بويىنشا, 26 جەلتوقساندا كارماسكالين اۋدانىندا ۋفا-ورىنبور اۆتوجولىنىڭ 47 شاقىرىمىندا 22 كولىك سوقتىعىسقان, دەپ حابارلايدى Egemen.kz.
بۇل تۋرالى باشينفورم سايتى جازادى.
اپاتتان ءبىر ادام قازا تاپقان.
«اۋرۋحاناعا بەس ادام جەتكىزىلدى. قازىر وقيعا ورنىندا مەملەكەتتىك اۆتوينسپەكتسيا قىزمەتكەرلەرى مەن باسقا دا شۇعىل قىزمەتتەر جان-جاقتى كومەك كورسەتۋدە. ۋفا باعىتىندا قوزعالىس جابىلدى, قارسى جولاق ارقىلى اينالما جول ۇيىمداستىرىلدى», دەپ حابارلادى بر جول پوليتسياسى.
بر تجم ءباسپاسوز قىزمەتىنىڭ مالىمەتىنشە, اپات بولعان جەردە جول پوليتسياسىنىڭ ءۇش ەكيپاجى, سونداي-اق «دورترانسستروي» جشس-ءنىڭ ءۇش ارنايى تەحنيكاسى جانە رەسەي تجم قىزمەتكەرلەرى جۇمىس ىستەپ جاتىر.
سونىمەن قاتار, تج جونىندەگى رەسپۋبليكالىق مەمكوميتەت جۇرگىزۋشىلەرگە اۋا رايى تۇراقتانعانعا دەيىن تۋيمازين اۋدانىنا بارۋدان باس تارتۋدى ۇسىندى.
26 جەلتوقسان كۇنى تاڭەرتەڭ م5 تاس جولىندا 33 جەڭىل جانە جۇك كولىكتەرى قار قۇرساۋىندا قالدى. سەرافيموۆسكي جانە نيكولاەۆكا ەلدى مەكەندەرىنىڭ ۋچاسكەسىندەگى قار جاۋعان جولدىڭ سالدارىنان ولاردىڭ بارلىعى قوزعالىستى جالعاستىرا المادى.