كوروناۆيرۋستىڭ «وميكرون» شتامى 110 مەملەكەتتە انىقتالدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ سايتىندا جاريالاندى, دەپ حابارلايدى Egemen.kz
«2021 جىلدىڭ 22 جەلتوقسانىنداعى جاعداي بويىنشا, ۆيرۋستىڭ وميكرون شتامى 110 ەلدە, ددۇ-نىڭ بارلىق التى وڭىرىندە انىقتالعان», دەلىنگەن مالىمدەمەدە.
«وميكرون» شتامى «دەلتا» شتامىنا قاراعاندا, تەز تارالادى. وعان قوسا, 2-3 كۇن سايىن جۇقتىرعاندار قاتارى ەكى ەسە كوبەيىپ وتىر. «وميكرون» شتامىنىڭ سالدارىنا كەلەر بولساق, بۇل ورايدا مالىمەت شەكتەۋلى», دەيدى ددۇ.
وڭتۇستىك افريكا, ۇلىبريتانيا جانە دانيا ەلدەرىنەن الىنعان دەرەكتەرگە سايكەس, «وميكرون» شتامىن جۇقتىرعاندار ۆيرۋستىڭ «دەلتا» شتامىن جۇقتىرعاندارعا قاراعاندا اۋرۋحاناعا سيرەك تۇسەدى.
مۇنى «وميكرون» شتامىنا اعزانىڭ يممۋندىق قورعانىسىنىڭ قاتتى اسەر ەتپەيتىندىگىمەن تۇسىندىرۋگە بولادى.