ۇزدىك شىققان بوكسشىلار ەل نامىسىن قورعايدى

اعايىندى سەگىز بوكسشى سىنعا ءتۇستى

ورالدا وتكەن چەمپيوناتتا 3 التىن مەدال جەڭىپ العان نۇر-سۇلتان قالاسىنىڭ بىل­عارى قول­عاپ شەبەرلەرى كومان­دالىق ەسەپ­­تە كوش باستادى. ال 2 ال­تىن, 1 كۇمىس جانە 1 قولا مەدال ەن­شى­لەگەن تۇركىستان­دىق­تار ەكىن­شى ورىن­دى ەنشىلەسە, قارا­عان­دىدان كەل­گەن بوكسشىلار 2 التىن جەڭىپ, جال­پىكوماندالىق ەسەپتە ۇزدىك ۇش­تىكتى تۇيىندەدى.

ەل بىرىنشىلىگىندە 8 بىردەي بوكس­شى تۇڭعىش رەت قازاقستان چەمپيونى اتاندى. مۇنى الەم چەمپيوناتىندا جۇلدە العان بەس بوكسشى مەن جاھان جارىسىندا اۋىر جەكپە-جەك وتكىزگەن اسلانبەك شىمبەرگەنوۆتى (71 كگ) جارىستان بوساتقانىمەن بايلانىستىرۋعا بولادى. سونىمەن قاتار بۇعان دەيىن قۇرامانىڭ كوشباسشىسى سانالعان, بۇگىندە كاسىپقوي بوكس­تا جۇرگەن بەكزات نۇرداۋلەتوۆ پەن قامشىبەك قوڭقاباەۆ جانە بوكس قولعابىن شەگەگە ىل­گەن تە­­مىرتاس ءجۇسىپوۆ, زاكىر سا­فيۋل­­لين, ۆاسيلي لە­ۆيت سىندى بىلعارى قولعاپ شەبەر­لە­رى­نىڭ قۇرامادان كەتۋى دە جاس بوكس­­شىلارعا جول اشتى. كەي­بىر سالماق دارەجەلەرىندە چەمپيون­دىق اتاققا جەتە الماي جۇرگەن بوكسشىلار مىقتىلاردىڭ جوق­تىعىن پايدالانىپ, ەل چەمپيو­نى اتاندى. اتاپ ايتساق, 48 كگ سالماقتا سانجار تاشكەنباي, دامير ابدىقادىر (51 كگ), تالعات سىرىمبەتوۆ (54 كگ), اسىلقۇل وراز­بەكوۆ (57 كگ), ۆاسي­لي سام­چۋك (60 كگ), ەرماحان جاق­پەكوۆ (71 كگ), نۇرقانات رايىس (75 كگ), سا­عىن­دىق توعامباي (86 كگ) ال­عاش رەت قازاقستان چەمپيونى اتان­دى.

ءبىر قىزىعى, قازاقستان چەمپيو­ناتىندا ايبەك (92 كگ), نۇربەك (80 كگ) ورالبايلار, ءساماتالى (60 كگ), ءساناتالى (63,5 كگ) تولتاەۆتار, ەرما­حان (71 كگ), ەراسىل (80 كگ) جاقپەكوۆتەر جانە نۇرلان (+92 كگ), دانيال (+92 كگ) ساپارباي سىن­دى اعايىندى سەگىز بوكسشى سىنعا ءتۇستى. سولاردىڭ التاۋى جۇلدەگە ءىلىندى. ءتىپتى اسا اۋىر سالماقتا سىنعا تۇسكەن اعايىن­­دى نۇرلان جانە دانيال ساپار­بايلار ءبىر-بىرىمەن كەزدەسىپ قالۋى دا مۇمكىن ەدى, ەگەر دانيال شيرەك فينالدا سۇرىنبەگەندە.

 

اتىراۋلىقتاردىڭ قارقىنى كۇشتى

چەمپيوناتتىڭ قورىتىندىسى بويىنشا كوماندالىق ەسەپتە ءتورتىنشى ورىندى اتىراۋ بوكس­شىلارى الدى. بۇرىن-سوڭدى اتى­راۋلىقتارعا كوماندالىق ەسەپتە ۇزدىك تورتتىككە كىرۋ بىلاي تۇر­سىن, جۇلدەلى ورىندارعا ءىلى­نۋ­دىڭ ءوزى قيىن بولاتىن. 2013 جىلى اتىراۋدا وتكەن ەل بىرىن­شىلىگىندە شارشى الاڭ يە­لەرىنە 1 التىن, 3 قولا مەدال بۇيىرعان ەدى. بۇل جولى ءۇش بىردەي اتى­راۋلىق بوكسشى في­نالدا ونەر كورسەتتى. اتاپ ايت­ساق, 75 كيلودا نۇرقانات رايىس جەڭىمپاز اتانسا, 54 كيلو سالماق دارەجەسىندە ولجاس باينيازوۆ پەن +92 كيلو سالماقتاعى امانات سابىرعالي كۇمىس مەدالدى قاناعات تۇتتى. اتى­راۋلىقتاردى كوپتەن بەرى قازاق­ستان قۇراماسىنىڭ بۇرىنعى بوكس­شىسى قانات وراق­باەۆ باپتاپ ءجۇر.

ال قىسقى سپورت تۇرىنەن الدىنا جان سالمايتىن ايماقتىڭ ءبىرى سولتۇستىك قازاقستان وبلىسى بوكسقا كەلگەندە نەمقۇرايلىق تانىتاتىن سەكىلدى. سەبەبى ورالدا وتكەن قازاقستان چەمپيوناتىندا وسى ءوڭىردىڭ بوكسشىلارى عانا جۇلدەگە ىلىنە المادى.

 

چەمپيونداردىڭ جولى ءتۇيىستى

سونىمەن, كەشە 13 سالماقتا ەل چەمپيوندارى مەن جۇلدەگەرلەرى انىقتالدى. وسى تۇستا تەك 75 كيلو مەن 92 كيلو سالماقتاعى جەك­پە-جەكتەرگە توقتالعاندى ءجون كورىپ وتىرمىز. 75 كيلو سال­ماقتا فينالعا جولداما العان نۇر­قانات رايىس پەن اياتۋللا تاكي­­­جانوۆتار – بىلتىرعى قا­زاق­ستان چەمپيوناتىنىڭ كۇمىس جانە قولا جۇلدەگەرلەرى. سون­دىقتان ەكى قارسىلاس ءبىر-ءبى­رىن جاقسى بىلەدى. الەم چەم­پيو­­نا­تىنىڭ كۇمىس جۇلدەگەرى ءابىل­حان امانقۇل قۇرامادان كەتكەننەن كەيىن سەربيادا وتكەن الەم بىرىنشىلىگىندە ەل نامىسىن كىم قورعايتىنىن ءبىلۋ ءۇشىن وسى ەكى بوكسشى اراسىندا جەكپە-جەك وتكىزىلگەن-ءدى. سول سىندا نۇر­قا­نات ءسال عانا باسىمدىقپەن جە­­ڭىسكە جەت­كەن ەدى. وسى جولى اياتۋل­لا فينال­دىق ايقاس باستالا سالا قولى­نىڭ ۇزىندىعىن پايدالانىپ, سوققى جاساي باستادى. بىر­نەشە سوققىنى وتكىزىپ العان نۇر­قانات ەكىنشى-ءۇشىنشى راۋندتا عانا بەلسەندىلىك تانىتتى. ال­ما-كەزەك شابۋىلدارمەن وتكەن كەزدەسۋدە 3:2 ەسەبىمەن نۇرقانات رايىس چەمپيون اتاندى.

92 كيلو سالماقتا ايبەك ورال­­باي مەن ابزال قۇتتىبەكوۆ ارا­سىنداعى فينالدىق ايقاس بوكسسۇيەر قاۋىمنىڭ كوڭىلىنەن شىقتى. ولاي بولماعاندا شە؟! ايبەك جاستار اراسىندا وليم­پيادا چەمپيونى بولسا, ابزال – اسكەريلەر اراسىندا الەم چەم­پيونى. قوس حالىقارالىق دارە­جەدەگى بوكسشى اراسىنداعى ءۇش راۋندقا سوزىلعان جەكپە-جەك الما-كەزەك سوققىلارمەن ءوربىدى. ناتيجەسىندە, ءبىرىنشى راۋندتا بار­لىق تورەشى باسىمدىقتى اي­بەككە بەرسە, ەكىنشى راۋندتا بەس تورەشىنىڭ تورتەۋى ابزالدى ۇزدىك دەپ تانىدى. شەشۋشى, ءۇشىنشى راۋندتا بەلسەندىلىك تانىتقان اي­بەككە بەس تورەشىنىڭ ۇشەۋى جەڭىس­تى بەرىپ, قورىتىندى ەسەپتە 4:1 ەسەبىمەن جەڭىسكە جەتىپ, ا.ورال­باي قازاقستان چەمپيونى اتاندى.

ەندى قازاقستان چەمپيونى اتانعان جاس بوكسشىلار قاڭتار ايىندا تۇڭعىش رەت 22 جاسقا دەيىنگى بوكسشىلار اراسىندا وتەتىن ازيا چەمپيوناتىنا قاتىسادى. ال تولىق قۇرامداعى بىلعارى قولعاپ شەبەرلەرى جازدا وتەتىن ازيا ويىندارىندا باقتارىن سىنايدى.

 

عالي ەسقاليەۆ,

باتىس قازاقستان وبلىسى­نىڭ اكىمى:

– پرەزيدەنت تاپسىرماسىنا سايكەس وبلىسىمىزعا قاراستى اۋدانداردا 13 سپورت كەشەنى سالىنۋعا ءتيىس. ازىرگە 7 سپورت كەشەنى پايدالانۋعا بەرىلدى, قالعانى سالىنىپ جاتىر. جالپى, سوڭعى جىلدارى سپورتقا كوپ كوڭىل ءبولىپ كەلەمىز. بيىلدىڭ وزىندە كاراتەدەن, دزيۋدودان قازاقستان چەمپيوناتىن ۇيىمداستىردىق. مىنە, تاۋەلسىزدىكتىڭ 30 جىلدىعىنا وراي بوكستان قازاقستان چەمپيوناتىن ورال وڭىرىندە تۇڭعىش رەت وتكىزىپ وتىرمىز. بۇعان دەيىن ءبىزدىڭ شاھاردا ءىرى كولەمدە بوكس دوداسى وتپەگەنىن ەسكەرسەك, وسىنداي سايىستار وڭىردەن بولاشاق چەمپيونداردىڭ شىعۋىنا جول اشادى دەپ ويلايمىن. قازاقستان بىرىنشىلىگىنىڭ فينالىندا وبلىسىمىزدىڭ ەكى بوكسشىسى ونەر كورسەتتى. بۇل دا جاقسى ناتيجە. جالپى, بيىلدىڭ وزىندە ەرەسەكتەر مەن جاس­تار اراسىنان وڭىرىمىزدەن 14 الەم چەمپيونى, 3 ەۋروپا جانە 8 ازيا چەمپيونى شىقتى.

 

راحىمجان رىسباەۆ,

لوندون جانە ريو وليمپيادالارىنىڭ تورەشىسى:

– ورال قالاسىنداعى ايتۋلى ءىس-شارا وتە جوعارى دەڭگەيدە ءوتتى. وسىعان بايلانىستى ءبىرىنشى كەزەكتە باتىس قازاقستان وبلىسى بوكس فەدەراتسياسىنىڭ باسشىسىنا العىسىمدى بىلدىرەمىن. جاھاندىق جارىس پەن قازاقستان بىرىنشىلىگى اراسىنداعى ۋاقىت تىعىز بولعاندىقتان چەمپيوناتتا قۇرامانىڭ كەيبىر بوكسشىلارى ءوز دەڭگەيىندە ونەر كورسەتە المادى. ونى تۇسىنۋگە دە بولادى. سوعان قاراماستان, چەمپيون اتانعان بوكسشىلارىمىز الداعى ۋاقىتتا حالىقارالىق تۋرنيرلەردە توپ جارادى دەپ سەنەمىن. جارتىلاي فينال مەن فينالدىق كەزدەسۋلەردە تورەشىلەر وتە جوعارى دەڭگەيدە قىزمەت اتقاردى.

 

اركادي توپاەۆ,

بوكستان الەم كۋبوگىنىڭ جەڭىمپازى:

– بوكس دەرجاۆاسى بولعىمىز كەلسە, قازاقستان چەمپيوناتىن ءاردايىم وسىنداي جوعارى دەڭگەيدە ۇيىمداستىرۋىمىز كەرەك. قۇراماعا كوپتەگەن جاس سپورتشى كەلىپ جاتىر. ولاردىڭ بارلىعى حالىقارالىق ارەنادا تاجىريبە جيناۋى كەرەك. سەبەبى ءدال قازىر قۇراماعا كەلگەن جاس­تار الەمدە كوشباسشى بولۋعا دايىن ەمەس. كەلەسى وليمپياداعا دەيىن ءبىراز ۋاقىت بار. تىنباي دايارلىق جاساسا, بوكسشىلارىمىز ءوز قابىلەتىن ءالى-اق كورسەتەدى. سونداي-اق بوكسشىلاردىڭ بويىنداعى نامىسىن وياتۋ – باستى ماسەلە. كوزىندە وتى, بويىندا جەڭىسكە دەگەن جىگەرى بار سپورتشى عانا جوعارى ناتيجە كورسەتە الادى.

 

قازاقستان چەمپيوناتى. ورال قالاسى, 2021 جىل

جەڭىمپازدار مەن جۇلدەگەرلەر

№

48 كگ

№

51 كگ

1

سانجار تاشكەنباي (نۇر-سۇلتان ق.)

1

دامير ابدىقادىر (الماتى وبل.)

2

دانيال ءسابيت (بقو)

2

نۇرسۇلتان نۋريدەنوۆ (بقو)

3

كەنجە مۇرات ۇلى (الماتى وبل.)

3

تيمۋر قابدەشوۆ (اقمولا وبل.)

ەرنۇر قايرات (الماتى ق.)

قۋانىش دۇيسەنباي (ماڭعىستاۋ وبل.)

 

№

54 كگ

№

57 كگ

1

تالعات سىرىمبەتوۆ (قاراعاندى وبل.)

1

ورازبەك اسىلقۇلوۆ (اقمولا وبل.) ­

2

ولجاس باينيازوۆ (اتىراۋ وبل.) ­

2

ايدوس اراپوۆ (قوستاناي وبل.)

3

داۋلەت مولداشەۆ (شقو)

3

ەربولات سابىر (پاۆلودار وبل.)

نۇرسۇلتان التىنبەك (قىزىلوردا وبل.)

بەيبارىس جەكسەن (جامبىل وبل.)

 

 

60 كگ

 

63,5 كگ

1

ۆاسيلي سامچۋك (قاراعاندى وبل.)

1

ءدىلمۇرات ميجيتوۆ (الماتى ق.) ­

2

ادىلەت قۇرمەتوۆ (شقو)

2

ابزال سەرىك (شىمكەنت ق.)

3

ءساماتالى تولتاەۆ (ماڭعىستاۋ وبل.)

3

ءساناتالى تولتاەۆ (ماڭعىستاۋ وبل.)

مۇحامەدسابىر بازارباي ۇلى (تۇركىستان وبل.)

سۇلتان مۋسينوۆ (اقمولا وبل.)

 

 

67 كگ

 

71 كگ

1

دۋلات بەكباۋوۆ (جامبىل وبل.)

1

ەرماحان جاقپەكوۆ (شقو)

2

دارحان دۇيسەباي (الماتى وبل.)

2

قۋان قۋاتوۆ (پاۆلودار وبل.)

3

ميراس ەرتانوۆ (الماتى وبل.)

3

ارمات ارمان ۇلى (الماتى ق.)

داۋلەت نىسان (شىمكەنت ق.)

نۇرجان امانگەلدى (الماتى وبل.)

 

 

75 كگ

 

80 كگ

1

نۇرقانات رايىس (اتىراۋ وبل.)

1

نۇربەك ورالباي (نۇر-سۇلتان ق.)

2

اياتۋللا تاكيجانوۆ (پاۆلودار وبل.)

2

جانىبەك قارتباەۆ (اقتوبە وبل.)

3

دياس مولجىگىتوۆ (جامبىل وبل.)

3

ەركەبۇلان اكىمباي (الماتى وبل.)

تيمۋر نۇرسەيىتوۆ (الماتى ق.)

باۋىرجان بايعونشەكوۆ (پاۆلودار وبل.)

 

 

86 كگ

 

92 كگ

1

ساعىندىق توعامباي (تۇركىستان وبل.)

1

ايبەك ورالباي (نۇر-سۇلتان ق.)

2

ءمادي ءامىروۆ (الماتى ق.)

2

ابزال قۇتتىبەكوۆ (تۇركىستان وبل.)

3

وڭتالاپ راحمانوۆ (قىزىلوردا وبل.)

3

ەرحات بەكزات (شقو)

بەكزات تاڭاتار (شىمكەنت ق.)

بەكسۇلتان ورىنباي (شىمكەنت ق.)

 

 

+92 كگ

 

 

1

نۇرلان ساپارباي (تۇركىستان وبل.)

 

 

2

امانات سابىرعالي (اتىراۋ وبل.)

 

 

3

دامير تويباي (الماتى ق.)

 

 

ەرجان سەيتىمبەتوۆ (اقتوبە وبل.)

 

 

 

 

كوماندالىق ەسەپ

№

وبلىس/قالا

التىن

كۇمىس

قولا

بارل.

1

نۇر-سۇلتان قالاسى

3

-

-

3

2

تۇركىستان وبلىسى

2

1

1

4

3

قاراعاندى وبلىسى

2

-

-

2

4

اتىراۋ وبلىسى

1

2

-

3

5

الماتى وبلىسى

1

1

4

6

6

الماتى قالاسى

1

1

4

6

7

شقو

1

1

2

4

8

اقمولا وبلىسى

1

-

2

3

9

جامبىل وبلىسى

1

-

2

3

10

پاۆلودار وبلىسى

-

2

2

4

11

بقو

-

2

-

2

12

اقتوبە وبلىسى

-

1

1

2

13

قوستاناي وبلىسى

-

1

-

1

14

شىمكەنت قالاسى

-

1

3

4

15

ماڭعىستاۋ وبلىسى

-

-

3

3

16

قىزىلوردا وبلىسى

-

-

2

2

17

سقو

-

-

-

0

 

 

فينالدىق جەكپە-جەكتەردىڭ ناتيجەلەرى

48 كگ:     دانيال ءسابيت (بقو) ­– سانجار تاشكەنباي (نۇر-سۇلتان ق.) ­– 1:4

51 كگ:     نۇرسۇلتان نۋريدەنوۆ (بقو) ­– دامير ابدىقادىر (الماتى وبل.) ­– 0:5

54 كگ:     ولجاس باينيازوۆ (اتىراۋ وبل.) ­– تالعات سىرىمبەتوۆ (قاراعاندى وبل.) ­– 2:3

57 كگ:     ورازبەك اسىلقۇلوۆ (اقمولا وبل.) ­– ايدوس اراپوۆ (قوستاناي وبل.) ­– 3:2

60 كگ:     ۆاسيلي سامچۋك (قاراعاندى وبل.) ­– ادىلەت قۇرمەتوۆ (شقو) ­– 5:0

63,5 كگ: ءدىلمۇرات ميجيتوۆ (الماتى ق.) ­– ابزال سەرىك (شىمكەنت ق.) ­– 3:2

67 كەلى: دارحان دۇيسەباي (الماتى وبل.) ­– دۋلات بەكباۋوۆ (جامبىل وبل.) ­– 0:5

71 كگ:     قۋان قۋاتوۆ (پاۆلودار وبل.) ­– ەرماحان جاقپەكوۆ (شقو) ­– 1:4

75 كگ:     نۇرقانات رايىس (اتىراۋ وبل.) ­– اياتۋللا تاكيجانوۆ (پاۆلودار وبل.) ­– 3:2

80 كگ:     نۇربەك ورالباي (نۇر-سۇلتان ق.) ­– جانىبەك قارتباەۆ (اقتوبە وبل.) ­– 5:0

86 كگ:     ساعىندىق توعامباي (تۇركىستان وبل.) ­– ءمادي ءامىروۆ (الماتى ق.) ­– 5:0

92 كگ:     ايبەك ورالباي (نۇر-سۇلتان ق.) ­– ابزال قۇتتىبەكوۆ (تۇركىستان وبل.) ­– 4:1

+92 كگ:  نۇرلان ساپارباي (تۇركىستان وبل.) ­– امانات سابىرعالي (اتىراۋ وبل.) ­– 5:0