ماڭگىلىككە بەرىلگەن سىي

«وسىدان وتىز جىل بۇرىن ءبىز سانالى تۇردە ءوز دۇنيەتانىمىمىز بەن بولمىسىمىزدىڭ نەگىزى رەتىندە بوستاندىق پەن ازاتتىققا تاڭداۋ جاسادىق. بۇگىنگە دەيىنگى بۇل مەرزىم ادامزات تاريحى ءۇشىن قاس-قاعىم عانا ءسات بولعانىمەن, وردا بۇزار جاسقا ەندى تولعان تاۋەلسىز قا­زاق­ستان ءۇشىن ول – ۇلكەن بەلەس, اسقارالى اسۋ. مۇندايعا تەك رۋحى كۇشتى, بىرلىگى بەكەم جۇرت قانا قول جەتكىزە الادى. ارعىدا ساق, عۇن بابالارىمىز, بەرىدە قاھارمان تۇرىك اتالارىمىز الاساپىران زاماندارداعى الاقۇيىن داۋىلدارعا توتەپ بەرىپ, ۇلى دالادا ۇلىق ۇلىس قۇردى. تالاي جۇرت الاپات سوعىستار مەن ارپالىسقان ايقاستاردا ۇدەرە كوشىپ, بورداي توزىپ, تاستاي ۇگىلىپ, قۇمداي شا­يىلىپ كەتكەن زامانداردا قازاقتار تۇركى جۇرتىنىڭ اتاقونىسىن, قاراشاڭىراعىن ساقتاپ قالدى», دەپ وي تۇيگەن ەلباسى بارشا قا­زاقستاندىقتاردى تاۋەلسىزدىك قادىرىن باعالاۋعا, وتكەننەن ساباق الىپ, ىنتىماق پەن بىرلىگىمىز ارقىلى كەلەشەككە ۇمتىلۋعا شاقىردى.

ازاتتىق رۋحى اسپەتتەلگەن بۇل ماقا­لا­دا ۇلت كوشباسشىسى قازاق قوعا­مىنا ەگەمەندىكتىڭ وڭاي جولمەن كەلمەگەنىن تەرەڭ پايىمدايدى. مەملەكەت باسشىسى قاسىم-جومارت توقاەۆ ەلباسىنىڭ دا­نالىق ويلارىمەن ۇندەس «تا­ۋەل­­سىزدىك بارىنەن قىمبات» اتتى ماقالاسىندا: «تو­لا­عاي تا­بىس­تاردىڭ بارىنە ەلباسىنىڭ دارا كوشباسشىلىعىنىڭ ءھام حال­قى­مىز­دىڭ دانالىعى مەن پا­را­­ساتىنىڭ, بىرلىگى مەن ىن­تى­ماعىنىڭ, وتانداس­تا­رى­مىز­دىڭ قاجىرلى ەڭبەگىنىڭ ارقا­سىن­دا قول جەتكىزدىك», دەپ تۇجى­رىم­دا­عان ەدى.

شىنىندا دا, بۇل كۇنگە قا­زاقس­تان حالقى ء«بىر جاعادان باس, ءبىر جەڭ­نەن قول» شىعارا وتىرىپ جەتتى. نەبىر زۇلمات جىل­داردى, رەپرەسسيانى, اشتىق­تى, ءتىپتى سوعىستى باستان وتكىزسە دە, ەڭسەسىن تۇسىر­مەگەن ەلىمىز ازات­تىق­تىڭ اق تاڭىنا امان جەتتى. بۇل تۋرالى ەلبا­سى ماقا­لا­سىندا: «ارينە, مەن بۇل وقيعا­لار­دىڭ ءبارىن كوزىممەن كورمەسەم دە, اكەم مەن انامنىڭ وزەگىن مۇڭ مەن زار ورتەپ, جا­نارىن جاسقا شىلاپ وتىرىپ ايتقان سوز­دەرىنەن, ازاتتىق جولىندا شەيىت بول­عان ارۋاقتارعا ارناپ كۇبىرلەپ وقى­عان دۇعالارىنان ەستىپ-ءبىلىپ, كو­كى­رەگىمە ءتۇيىپ ءوستىم. كەيدە ويلايمىن: قازاق دەگەن نە دەگەن ءتوزىمدى حالىق؟! كونبەسكە كونىپ, شىداماسقا شىداعان. بولاشاعى بۇلدىر بولعان كۇننىڭ وزىندە, ساعىن سىندىرماي, كەلەشەكتەن ءۇمىتىن ۇزبەگەن. قيىندىق اتاۋ­­لىعا قاسقايا قارسى تۇرىپ, ۇزدىكسىز العا جىلجىعان», دەگەن تاڭدانىسىمەن بو­لى­سەدى.

بۇل ەگەمەن ەلدىڭ تىرەگى, ەل تۇت­قاسى نۇرسۇلتان ءابىش ۇلىنىڭ كوڭىل تۇكپىرىن تەربەپ, جۇرەك تۇ­بى­نەن شىققان شىن ءسوزى ەكەنى اقيقات. ويتكەنى ادامزات تا­ري­حىن­دا­عى ەڭ ايتۋلى وقي­عا­لارعا تولى عاسىرلار توعى­سىن­دا ەل باسقارعان نۇرسۇلتان نا­زارباەۆ وتىز جىل تۋعان حالقىنىڭ سەنى­مىن اقتاۋ ءۇشىن بار كۇش-جىگەرىن اياعان جوق. تۇڭعىش پرەزيدەنت ءوزىنىڭ جۇرەك سۇزگىسىنەن وتكەن, ءوز باسىنان كەش­كەن جاع­دايلاردى بۇكپەسىز بايان­داۋ ارقىلى تاۋەل­سىزدىك شىن­دى­عىن اشىپ كورسەتكەن.

ەلباسى كەڭەس وداعىنىڭ قى­زىل ساياساتى تۋرالى دا وي قوز­عاي­دى. جەتپىس جىل بويعى جوسپارلى ەكونوميكا, جوعارىدان باسقارۋ, حالىقپەن ەتەنە ارالاسپاۋ ءتۇپتىڭ تۇبىندە كەڭەس وداعىن ىشتەن ءىرىتتى. ال سىرەسكەن سوتسياليزم دا­ۋى­رىنەن مۇلدە جاڭا نارىقتىق ەكو­­نو­ميكاعا نەگىزدەلگەن جۇيە­گە كوشۋ سول جىلدارى قيال­مەن تەڭ دۇنيە ەدى. تۇڭعىش پرەزيدەنت ن.نازارباەۆ ىشكى ايتىس-تار­تىس­تارعا, ۇلتارالىق, دىنارا­لىق قاقتىعىستارعا جول بەرمەي, الەۋمەتتىك-ەكونوميكالىق سالادا دامىپ-جەتىلۋدى كوزدەپ, العا جىلجۋدى باستى نىساناعا الدى. ەلىمىز ەگەمەندىككە قول جەتكىزگەن العاشقى جىلدارى نۇرسۇلتان نازارباەۆ «الدىمەن – ەكونوميكا, سودان سوڭ – ساياسات» قاعيداسىن ۇستاندى. بۇل ءوز كەزەگىندە ەلىمىز­دىڭ نارىقتىق ەكونوميكاعا كو­شۋى­نە, كاسىپكەرلىكتى دامىتۋعا, ەل ەڭسەسىن كوتەرۋگە جول اشتى. سونىڭ ناتيجەسىندە وتكەن 30 جىلدا ەل دامۋىنا ەلەۋلى ۇلەس قو­سىپ, ازاماتتىق قوعامنىڭ اۋىر جۇگىن ارقالاي الاتىن, باسەكەگە قابىلەتتى جاڭا بۋىن ءوسىپ-جەتىلدى.

«قامدانعان قاپى قالمايدى» دەيدى حالقىمىز. ەرتەڭىن ويلاعان ەل عانا وزادى. ماقالانىڭ ءون بويىنان ەلباسىنىڭ جوس­پارلى, ماقساتتى ستراتەگيالىق ۇستا­نىم­دارى ايقىن كورىنەدى. بو­لا­شاق ۇرپاعىمىز ەشتەڭەدەن تارىق­پا­ۋى ءۇشىن ۇلتتىق قور مەن التىن-ۆاليۋتا قورىن جاساقتاپ, وعان مول قارجى جيناقتادىق. ءدال وسى مول قاراجات پاندەميا كە­زىندە بىزگە كومەك بولدى. كە­زىن­دە وسى ۇلتتىق قور تۋرالى قوعامدا قىزۋ پىكىرتالاس بولىپ ەدى. كەيبىرەۋلەر «حالىققا تاراتىپ بەرەيىك, ءار بالاعا شاعايىق» دەگەن ۇسىنىستار دا ايتقان. الاي­دا تۇڭعىش پرەزيدەنتىمىز وعان «بولاشاقتىڭ قورى» دەپ قا­راپ, «قول تيگىزبەدى». قاجەت كەز­دە قولداۋ رەتىندە مەملەكەتتىڭ يگى­لىگىنە جۇمساۋعا پارمەن بەرىپ وتىردى.

ەڭ نەگىزگى ماسەلە حالىقتىڭ ءال-اۋقاتى, ەكونوميكانى جەتىلدىرۋ بولعانىمەن, ونى كەدەرگىسىز دامىتۋ ءۇشىن وسى ساياسي, ۇلتارالىق, دىنارالىق جاعدايلاردى رەتتەۋ قاجەتتىلىگى تۋىندادى. وسى رەتتە تۇڭعىش پرەزيدەنت باسقا ەلدەرگە قاراعاندا ۇلتتىق قۇرامى ارتەكتى ەلدى بەيبىتشىلىك پەن تىنىش­تىق­تا ۇستاپ, ازا­ماتتىق سوعىسسىز ەلى­مىز­دى بۇگىنگى جە­تىستىكتەرگە الىپ كەلدى.

فرانتسيانىڭ ەكس-پرەزيدەنتى جاك شيراكتىڭ: «مەن نۇرسۇلتان نازارباەۆ­تىڭ قابىلەتى مەن قا­سيە­تى­نە, كورەگەندىگىنە ءتانتىمىن. ول قانداي دا ءبىر ماسەلەنىڭ شەشىمىن قاراستىرعاندا ونىڭ سول ساتتىك احۋالعا ەمەس, بولاشاققا تيگىزەر اسەرىن ويدان شىعارمايدى. ۇنەمى بولجام جاساپ وتىرادى. ەگە­مەن­دىككە قول جەتكىزگەننەن باس­تاپ, قازاقستاننىڭ دامۋ جولىندا كوپتەگەن كەدەرگىلەر تۇردى. بىراق مەملەكەت, ۇكىمەت ول كەدەر­گى­لەر­گە توتەپ بەرە الدى. بۇگىندە قازاق­ستان­نىڭ دۇنيەگە بەرەرى دە, الارى دا مول», دەگەن ءسوزى ويىمىزدى تولىقتىرا تۇسەدى.

شىندىعىندا, حالقىمىز تاع­دىر-تالايىنا جازىلعان جا­ڭا مەملەكەت قۇرۋ ميسسيا­سىن تو­لىقتاي جۇزەگە اسىردى. تا­ريح تۇڭعيىعىنا باتىپ كەتپەي, جا­سامپازدىق جولىندا جاڭا مىن­دەت­تەر ارقالادى. وزگە­لەردەن وزا شاۋىپ, الەمدىك قوعام­داس­تىق­تا دارالاندى.

امەريكالىق ساياساتتانۋشى, جۋرناليست, رەسەي – ەۋرازيا, شىعىس ەۋروپا, تاياۋ شىعىس وڭىرلەرىنىڭ قاۋىپسىزدىك پەن ەنەرگەتيكا سالاسىنداعى حالىقارالىق قاتىناستار جونىندەگى مامانى اريەل كوەن «جاقسى سەرىك­تەستىك­تە: نۇرسۇلتان نازارباەۆ ۇلت نەگىزىن سالۋشىلاردىڭ ارا­سىن­­دا» دەگەن بايانداماسىندا: «نۇرسۇل­تان نازارباەۆتىڭ سىندار­لى باسقا­رۋى­نىڭ ارقاسىندا قازاقستان قازىرگى جە­تىستىكتەرگە جەتىپ وتىر. قازاقستان ور­تا­دان جوعارى كىرىس دەڭگەيىنە جيىرما جىلعا جەتپەي جەتتى. سونداي-اق ول الەم­دىك ارەناداعى قازاقستان بەدەلىن كو­تە­رۋگە جانە ەكونوميكانىڭ الەم­دىك قوعام­داستىقپەن بى­رىگۋى­نە كۇش-جىگەرىن جۇم­سادى», دەپ جازعان ەدى.

ەلباسى ماقالاسىندا: «مەن وتىز جىل بويى حالقىمدى قا­نات­تىعا قاقتىرماي, تۇمسىق­تىعا شوقىتتىرماي, قايراڭعا قالدىرماي, الەمدىك وركەنيەتتىڭ الدىڭعى شەبىنە, دۇنيەدەگى ەڭ دامىعان 40 ەلدىڭ قاتارىنا قوس­تىم. وسى جىلدار ىشىندە الەم­دىك عىلىم مەن مادەنيەتتىڭ ەڭ ۇزدىك جەتىستىكتەرىن مەڭگەرگەن جاڭا ۇرپاق قا­لىپ­تاستى. جاڭا ەلور­دامىز سالىندى. ەڭ ۇلكەن تا­بىسىم دا, ەڭ ۇلكەن باقىتىم دا وسى دەپ سانايمىن», دەپ اعىنان جارىلادى.

ءبارىمىزدى باقىتقا جەتەلەگەن باياندى تاڭداۋدىڭ ءبىرى – ارقا توسىندەگى استانا تۇرعىزۋ شەشىمى بولدى. نۇر-سۇلتان قالاسى بوي كوتەرگەندە ەلباسى ۇلان-باي­تاق ەلدىڭ كىندىگىندە حالىق تاعدىرى ءۇشىن ومىرلىك ماڭىزى بار شەشىمدەر قابىلداناتىنىن جەت­كىزگەن. «وتانىمىزدىڭ جۇ­رە­گى ەندى وسى جەردە سوعادى. وسى جەردەن قازاقستان ءۇشىنشى مىڭ­­جىلدىقتىڭ تابالدى­رى­عىن­دا ءوزىنىڭ تاريحي تاعدىرىن اي­قىن­داي­تىن بولادى», دەپ با­تىل قادام, بايىپتى باس­تا­ما جاساعان.

مەملەكەت باسشىسى قاسىم-جومارت كەمەل ۇلى توقاەۆتىڭ «ەلوردامىز – نۇر-سۇلتان قالاسى قازاقستاننىڭ جارقىن جەتىس­تىك­تە­رىن ايشىقتايدى. تۇڭعىش پرەزي­دەنتىمىز نۇرسۇلتان ءابىش­ ۇلى نا­زار­­باەۆتىڭ استانانى كو­شىرۋ تۋرا­لى بىرەگەي شەشىمى حالقىمىز ءۇشىن اسا ماڭىزدى تاريحي وقيعا بولدى» دەگەن ءسوزىن حالىق جۇرەگىنىڭ ايناسى دەپ قابىلدايمىز. مۇنىڭ بارلىعى قوعام دامۋى, ۇرپاق بولاشاعى ءۇشىن اتقارىلعان يگى ىستەر.

ء«بىز تاۋەلسىزدىككە بەيبىت جولمەن قول جەتكىزسەك تە, وعان بارار جولدا بابالار قانى از توگىلگەن جوق. تاۋەلسىزدىك – سول كيەلى قان­نىڭ وتەۋى ەدى. مەن مۇنىڭ ءبارىن ءبىز سەنگەن, تاربيەلەگەن بۇگىنگى جاس ۇرپاق ءبىلسىن, ساناسىنا ءسىڭىرسىن دەپ ادەيى جازىپ وتىرمىن», دەيدى ەلباسى.

سونداي-اق «تاۋەلسىزدىكتىڭ ءمان-ماعى­نا­سى تۋرالى ءتۇرلى عى­لىم وكىلدەرى وزىنشە تۇجىرىم جاسايتىنى انىق. بىراق ءبىر نارسە اقيقات, ول – اتا-بابالا­رى­مىزدىڭ ازاتتىق جولىنداعى جان الىسىپ, جان بەرىسكەن سان عاسىرلىق كۇ­رە­سىنىڭ زاڭدى جالعاسى, حالىق­ارا­لىق قۇجاتتارمەن بە­كى­تىلىپ, ماڭگىلىككە بەرىلگەن سىيى», دەپ وي قورىتادى.

ەلىمىزدىڭ جاڭا تاريحىنداعى, بەيبىت ومىرىندەگى ەلباسىمىزدىڭ 30 جىلعى ەڭبەگى ۇشان-تەڭىز.

كەڭەستىك كەزەڭنەن كەيىن الەۋ­مەتتىك سالادا, ءبىر عانا ءبىلىم بەرۋ جۇيە­سىندە ورىن العان ولقى­لىق­تىڭ سالدارىن جۇيە­لەۋ­گە ونداعان جىل ۋاقىت كەتكەنىن ءبارىمىز دە بىلەمىز.

تۇڭعىش پرەزيدەنتىمىز عى­لىم­عا, اسىرەسە يننوۆاتسيالىق جوبا­لارعا ەرەكشە ماڭىز بەردى. وسىدان وتىز جىل بۇرىنعى عى­لىم­نىڭ جاي-كۇيى مەن ونىڭ بۇگىنگى احۋالىن قازىر سالىستىرا المايسىز. تاۋەلسىزدىگىمىزدىڭ ار­قا­سىندا تاريحىمىز تۇگەن­دە­لىپ, مادەنيەتىمىز وركەن­دەدى. زاماناۋي ءبىلىم بەرۋ, كادرلاردى دايارلاۋ مەن قايتا دايارلاۋ جۇيەسى جاڭاردى.

بۇل باعىتتا ءال-فارابي اتىن­داعى قازاق ۇلتتىق ۋنيۆەر­سي­تەتى زامان تالابىنا ساي دامىپ, مەملەكەت جۇكتەگەن مىن­دەت­تەردى جۇيەلى ىسكە اسىرۋدا وزىق تاجىريبە كورسەتتى. تاۋەل­سىز­­­دىكتىڭ العاشقى جىلدارى ۋني­ۆەرسيتەت وقىتۋشىلارى پرە­زيدەنت اكىمشىلىگىنە, پار­لا­مەنتكە, ۇكىمەتكە, ءتۇرلى مينيستر­لىك­تەرگە, ەلشىلىكتەرگە جۇمىسقا شاقىرىلدى. قازىر سولار­دىڭ باسىم بولىگى ەگەمەندىكتىڭ قا­لىپ­تاسىپ, دامۋىنا تەر توككەن كو­رنەكتى مەملەكەت, قوعام قاي­رات­كەرلەرىنە اينالدى. ماسەلەن, سەنات توراعاسى ماۋلەن اشىم­باەۆ, كونستيتۋتسيالىق كە­ڭەس توراعاسى قايرات ءمامي, جو­عا­رعى سوت توراعاسى جاقىپ اسا­نوۆ, پرەزيدەنت اكىمشىلىگى باس­شى­سىنىڭ ءبىرىنشى ورىنباسارى داۋرەن اباەۆ, قازاقستان پرەزي­دەنتىنىڭ كومەكشىسى – قا­ۋىپ­­سىزدىك كەڭەسىنىڭ حاتشىسى اسەت يسەكەشوۆ, پرەزيدەنت جا­نىنداعى ادام قۇقىقتارى جو­نىندەگى كوميسسيانىڭ توراعاسى يگور روگوۆ, الماتى قالاسىنىڭ اكىمى باقىتجان ساعىنتاەۆ جانە باسقا مەملەكەتتىك ورگان باسشىلارى قاراشاڭىراق تۇلەكتەرى ەكەنىن ماقتانىشپەن اتاپ وتۋگە بولادى.

قازىرگى وقىتۋشى-پروفەس­سور­لار قۇرامى دا ەل تاۋەل­سىزدىگىنىڭ 30 جىلدىق مەرەيتويىنا تولايىم تابىستارمەن كەلىپ وتىر. «وتىز جىلدىققا – وتىز اپتالىق» جوباسىن جۇزەگە اسىرىپ, ەگەمەندىك تويىن ماعىنالى باستامالارمەن وتكىزۋدە.

اتاپ ايتساق, ۋنيۆەرسيتەت اۋماعىندا ەلباسى ساياباعى مەن عالىمدار باعى اشىلىپ, وندا جالپى سانى 1 مىڭنان استام الما, شيە, ورىك اعاشتارى, قىرىم قاراعايى مەن التاي شىرشاسى, «سيۆەرس» الماسىنىڭ كوشەتى وتىرعىزىلدى. مەم­لە­كەتىمىزدىڭ دامۋىنا, وتاندىق ءبىلىم مەن عىلىمنىڭ وركەندەۋىنە ەلەۋ­لى ۇلەس قوسقان تۇلەكتەرىمىزدىڭ, تا­نىمال تۇلعا­لا­رى­مىزدىڭ كوش­باسشىلىق دارىستەرىن وتكى­زۋ وقۋ ورنىمىزدىڭ اينىماس داستۇرىنە اينالدى. قانات ساۋ­داباەۆ, بەرلين يري­شەۆ, قايرات ابۋسەيىتوۆ, دۋلات قۋا­نىشەۆ, گۇلجان قاراعۇسوۆا, ساۋىتبەك ابدراحمانوۆ ۋنيۆەرسيتەت ۇجىمىمەن كەزدەسىپ, وي-پىكىرلەرىمەن ءبولىستى.

جاقىندا تۇركيا رەسپۋب­لي­كاسىنىڭ ەكس-پرەزيدەنتى ابدۋللا گۇل كەلىپ, قازاق­ستان­دى دامىتۋداعى ەلباسى نۇرسۇل­تان نازارباەۆتىڭ ەرەن ەڭبەگىنە جوعارى باعا بەردى. «قازاق جەرى – ءبىزدىڭ اتاجۇرتىمىز», دەپ ەرەكشە ىقىلاسىن ءبىلدىردى.

بيىل تۇركىتىلدەس حالىقتارعا ورتاق تۇلعا – جىر الىبى جامبىل جاباەۆتىڭ 175 جىلدىعىنا بايلانىستى رۋحاني-ما­دە­ني شارالار دا تاۋەلسىزدىك تويىمەن قاتار اتاپ وتىلۋدە. ۋنيۆەرسيتەتتە جام­بىل اپتالىعى ۇيىمداستىرىلىپ, تا­نىمدىق كەزدەسۋلەر, كىتاپ, سۋرەت كور­مەسى, جامبىل ۇرپاق­تا­رىمەن جۇزدەسۋ, «جام­­بىل جانە تۇركى الەمى» تاقىرىبىندا حا­لىق­ارالىق عىلىمي كونفەرەنتسيا جۇزە­گە استى.

وتكەن اپتادا تاۋەلسىزدى­گى­مىز­­دىڭ 30 جىلدىعى جانە قا­زاق­­ستان رەسپۋبلي­كا­سىنىڭ تۇڭ­عىش پرەزيدەنتى كۇنىنە وراي, «تا­ۋەل­سىزدىك بارىنەن قىم­بات» ون­كۇندىگى قولعا الىندى. وسى ونكۇن­دىك اياسىندا وقىتۋشىلار مەن ستۋدەنت­تە­رى­مىز شامالعان اۋىلىنداعى تۇڭعىش پرەزيدەنتتىڭ «اتامەكەن» تاري­حي-مادەني ورتالىعىندا بولدى. ۇلت كوشباس­شى­سى­نىڭ « ۇلى دالا ۇلاعاتتارى», پرەزيدەنت قاسىم-جومارت توقاەۆتىڭ «ون دەلاەت يستوريۋ» كىتاپتارى تالقىلاندى. «تاۋەلسىزدىك تولعاۋى» پوەزيا سا­عاتى, «تاۋەل­سىزدىك – 30» فلەشموبى, «بالالىق شا­عىمنىڭ اسپانى» كينو كەشى, «ەلىم مەنىڭ», «كىتاپ FEST» تانىمدىق شارالارى ستۋدەنتتەر كوڭىلىنەن شىقتى. ونكۇندىك ەلباسى ماقالاسىن تالداۋعا ارنالعان «تاۋەلسىزدىك تاعىلىمى» اتتى قورىتىندى جيىنمەن ءوز مارەسىنە جەتتى.

ال 13 جەلتوقسان كۇنى مەملەكەت جانە قوعام قايراتكەرلەرىنىڭ قاتىسۋىمەن تاۋەلسىزدىكتىڭ 30 جىلدىعىنا ارنالعان سالتاناتتى جيىن ءوتتى. بۇل ءىس-شارالاردىڭ بار­لىعى تاۋەلسىزدىگىمىزدى قاس­تەر­لەۋگە, ەلباسىنىڭ قايرات­كەرلىك تۇلعاسىن تانۋعا جانە جاس ۇرپاقتى وتانسۇيگىشتىككە تار­بيەلەۋگە باعىتتالدى.

ەلباسى ءوز ماقالاسىندا: «تاۋەل­سىزدىك تە باقىت سياقتى – با­عالاعان ادامنىڭ, ايالاعان قو­عامنىڭ قولىنا تۇراقتايدى. حال­قى تاتۋ, ەكونوميكاسى قۋات­تى, ساياسي جۇيەسى تۇراقتى, مار­تەبەسى بيىك, ابىرويى اسقاق قازاقستاننىڭ بولاشاعى كەشە­گىدەن كەمەل, بۇگىنگىدەن نۇرلى ەكەنىنە كامىل سەنەمىن», دەي وتىرىپ, ءاردايىم العا باسۋعا شاقىرادى.

ەندىگى جەردە تاۋەلسىزدىك تا­ريحىن جانە قازاقستاننىڭ قا­لىپتاسۋىنداعى ەلباسى نۇر­سۇلتان نازارباەۆتىڭ ەرەن ەڭ­بە­گىن ايشىقتاۋ, تاريحي قۇندى­لىق­تاردى قاستەرلەۋ – ەلىن, جە­رىن قادىرلەيتىن, ەگەمەندىگىن باعا­لايتىن ءاربىر ازاماتتىڭ پارىزى بولۋى ءتيىس.

جانسەيىت تۇيمەباەۆ,

ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما توراعاسى – رەكتورى