پيروتەحنيكا: ەلوردالىق پوليتسەيلەر قاۋىپسىزدىك ەرەجەلەرىن ساقتاۋعا شاقىردى

وسىعان بايلانىستى ەلوردا اۋماعىندا 2021 جىلدىڭ 15 جەلتوقسانى مەن 2022 جىلدىڭ 12 قاڭتارى ارالىعىندا «پيروتەحنيكا-2021» جەدەل الدىن الۋ ءىس-شاراسى وتكىزىلەدى.

جەدەل الدىن الۋ ءىس-شارالارىنىڭ ماقساتى حالىقپەن پيروتەحنيكالىق بۇيىمداردى ساقتاۋ, پايدالانۋ, تاسىمالداۋ جانە اكەلۋ ەرەجەلەرى, سونداي-اق سەرتيفيكاتتالماعان پيروتەحنيكالىق ونىمدەردى اينالىمنان الۋ تۋرالى پروفيلاكتيكالىق جۇمىس جۇرگىزۋ بولىپ تابىلادى.

ەلوردا اكىمدىگى قالا تۇرعىندارىنا پيروتەحنيكانى پايدالانۋدىڭ نەگىزگى ەرەجەلەرى تۋرالى ەسكە سالادى:

- پيروتەحنيكانى كۇماندى ساتۋشىلاردان ساتىپ الماڭىز (كوشە سورەلەرىنەن, وتكەلدەردەن);

- بالالارعا پيروتەحنيكانى ءوز بەتىنشە ىسكە قوسۋعا رۇقسات ەتپەڭىز;

- قاپتاماداعى نۇسقاۋلىقتى مۇقيات وقىپ شىعىڭىز;

- پيروتەحنيكانىڭ جارىلۋى كەزىندە قاشىقتىقتا بولىڭىز;

- ەشقانداي جاعدايدا جابىق ءۇي-جايدا پيروتەحنيكانى پايدالانباڭىز;

- كورەرمەندەر ناقتى پيروتەحنيكالىق بۇيىمدى قولدانۋ جونىندەگى نۇسقاۋلىقتا كورسەتىلگەن قاۋىپتى ايماقتان تىس, بىراق كەمىندە 20 م قاشىقتىقتا بولۋى ءتيىس;

- بىلتەنى سوزىلعان قول قاشىقتىعىندا تۇتاتۋ كەرەك;

- جۇمىس ىستەپ تۇرعان پيروتەحنيكالىق بۇيىمدى قولدا ۇستاۋعا قاتاڭ تىيىم سالىنادى.

ءتىپتى تانىس جانە قاراپايىم پيروتەحنيكالىق ءونىمنىڭ وزىندىك ەرەكشەلىكتەرى بولۋى مۇمكىن ەكەنىن ەستە ساقتاۋ كەرەك.