«اباي» شاحتاسىندا قازا تاپقانداردىڭ وتباسىنا قانداي وتەماقى بەرىلگەنى بەلگىلى بولدى, دەپ جازادى Egemen.kz.
قر پرەمەر-ءمينيسترىنىڭ ورىنباسارى ەرالى توعجانوۆ كەنشىلەر, مەتاللۋرگتەر جانە زياندى ەڭبەك جاعدايلارىندا جۇمىس ىستەيتىن باسقا دا كاسىپ تۇرلەرىنىڭ زەينەتكەرلىك جاسىن قىسقارتۋ تۋرالى دەپۋتاتتاردىڭ ساۋالىنا جاۋاپ بەردى.
«7 قاراشادا «ارسەلورميتتال تەمىرتاۋ» اق كومىر دەپارتامەنتىنىڭ «اباي» شاحتاسىنداعى اپات سالدارىنان بولعان توپتىق جازاتايىم وقيعانى ارنايى تەرگەپ-تەكسەرۋ ناتيجەسىندە ۇجىمدىق شارت تالاپتارىنا سايكەس ءاربىر وتباسىنا جالپى سوماسى 278,3 ملن تەڭگەگە 10 جىلدىق ەڭبەكاقى تولەمى كولەمىندە ماتەريالدىق كومەك كورسەتىلدى», دەدى توعجانوۆ.
سونىمەن قاتار قايتىس بولعانداردىڭ وتباسىلارىنا اسىراۋشىسىنان ايىرىلۋ بويىنشا جاردەماقى تاعايىندالادى.
ەسكە ساتا كەتەيىك, 7 قاراشادا قاراعاندى وبلىسىنداعى «اباي» كەنىشىندە اپات بولىپ, سالدارىنان 6 ادام قازا تاپقان بولاتىن.