مەملەكەت باسشىسى نۇر-سۇلتان قالاسىنىڭ اكىمى التاي كولگىنوۆتى قابىلدادى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
پرەزيدەنتكە 11 اي ىشىندەگى ەلوردانىڭ الەۋمەتتىك-ەكونوميكالىق جانە ينفراقۇرىلىمدىق دامۋى تۋرالى اقپارات بەرىلدى.
سونىمەن قاتار التاي كولگىنوۆ ەلوردادا ەپيدەميولوگيالىق احۋالدى تۇراقتاندىرۋ ءۇشىن جۇزەگە اسىرىلىپ جاتقان شارالار مەن حالىققا ۆاكتسينا سالۋ جۇمىستارىنىڭ بارىسى تۋرالى باياندادى.
قاسىم-جومارت توقاەۆ ەلوردا اكىمىنە جىلۋمەن قامتۋ, ينفراقۇرىلىم, ينجەنەرلىك جەلىلەر, الەۋمەتتىك تۇرعىن ۇيلەر مەن نىسانداردىڭ قۇرىلىسى سياقتى سالالار بويىنشا قوردالانعان ماسەلەلەردى شەشۋگە قاتىستى, سونداي-اق شاعىن جانە ورتا بيزنەستى دامىتۋ, جاڭا جۇمىس ورىندارىن اشۋ ءۇشىن قولايلى جاعداي جاساۋ جونىندە بىرقاتار تاپسىرما بەردى.