قازاقستاندا 16-17 جەلتوقسان – تاۋەلسىزدىك مەرەكەسى كۇندەرى دۇنيەگە كەلگەن 2 مىڭنان استام سابيگە baby-بوكستار سىيعا تارتىلدى. بۇل تۋرالى قر تسيفرلىق دامۋ, يننوۆاتسيالار جانە اەروعارىش مينيسترلىگىنىڭ ءباسپاسوز قىزمەتىنەن ءمالىم ەتتى, دەپ حابارلايدى Egemen.kz.
تاۋەلسىزدىكتىڭ 30 جىلدىق مەرەيتويىنا وراي بەرىلگەن ء«سۇيىنشى» سىيقورابىنا بوبەكتەرگە قاجەتتى زاتتاردان باسقا, قر پرەزيدەنتى قاسىم-جومارت توقاەۆتىڭ قۇتتىقتاۋ تىلەگى جازىلعان اشىق حات, «تاۋەلسىز قازاقستانعا 30 جىل» مونەتاسى جانە بالانىڭ تۋى تۋرالى كۋالىگى سالىنعان.
«اينالايىن, بوبەك! سەنىڭ تۋعان كۇنىڭ ەلىمىزدىڭ ەڭ باستى مەرەكەسىمەن تۇسپا-تۇس كەلدى. ءوزىڭ دۇنيە ەسىگىن اشقان كەزدە حالقىمىز قاستەرلى تاۋەلسىزدىگىنىڭ 30 جىلدىعىن اتاپ ءوتىپ جاتتى. ساعان باقىتتى ءارى ۇزاق عۇمىر تىلەيمىن!», دەپ جازىلعان پرەزيدەنتتىڭ قۇتتىقتاۋىندا.
16 جانە 17 جەلتوقساندا تۋعان بالالارعا تۋ تۋرالى كۋالىكتى الۋ تۋرالى وتىنىمدەردى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى قابىلداپ, ءارى قاراي قازاقستان ازاماتىنىڭ العاشقى قۇجاتىن رەسىمدەۋ ءۇشىن احاج ورگاندارىنا جولدادى.
ء«سۇيىنشى» سىيقوراپتارىن قر تسيفرلىق دامۋ, يننوۆاتسيالار جانە اەروعارىش مينيسترلىگى «ازاماتتارعا ارنالعان ۇكىمەتپەن بىرگە جانە قر ۇلتتىق بانك, تسەنتركرەديت بانكى جانە «قازپوشتا» اق قاتىسۋىمەن ۇيىمداستىردى.