اقش-تىڭ لۋيزيانا شتاتىنداعى لاپلاس قالاسىنا جاقىن جەردە جەكە تىكۇشاق جولعا قۇلاپ, ورتەنىپ كەتتى, دەپ حابارلايدى Egemen.kz kadn.com سايتىنا سىلتەمە جاساپ.
وقيعا 14 جەلتوقسان كۇنى ءتۇس اۋا بولعان. Bell 407 تىكۇشاعى بەلگىسىز سەبەپتەرمەن تاس جولعا قۇلاعان. تىكۇشاقتىڭ اپاتقا ۇشىراعان ءساتىن سول جولدا كەلە جاتقان كولىك جۇرگىزۋشىلەرى كامەراعا ءتۇسىرىپ العان.
جەكەمەنشىك ۇشاق بورتىندا تەك ۇشقىش بولعان. وقيعانىڭ ءمان-جايى تەرگەۋ بارىسىندا انىقتالاتىن بولادى.
الدىن الا بولجام بويىنشا, قايعىلى وقيعاعا قالىڭ تۇمان سەبەپ بولۋى مۇمكىن.