اقتاۋدا اۆتوۆوكزال مەن كوممۋنالدىق بازار قۇرىلىسى باستالدى. ورتالىقتا قالاارالىق جانە قالا ماڭىنداعى باعىتتارعا قىزمەت كورسەتەتىن كولىكتەر تۇراعى بولادى. سونداي-اق, شارۋالار ونىمدەرىن دەلدالسىز ساتۋى ءۇشىن ساۋدا ورىندارى قاراستىرىلعان, دەپ حابارلايدى Egemen.kz اقتاۋ قالاسى اكىمىنىڭ ءباسپاسوز قىزمەتىنە سىلتەمە جاساپ.
جالپى اۋدانى 15 گا تۇراتىن ورتالىقتىڭ 9,4 گا اۋماعى كوممۋنالدىق بازارعا, ال 5,6 گا جەرى اۆتوۆوكزال ءۇشىن بولىنگەن. قالا بويىنشا بۇگىنگە دەيىن قالالىق جانە قالاارالىق باعىتتا قاتىنايتىن قوعامدىق كولىكتەردىڭ اۆتوۆوكزالى بولعان جوق. سىيىمدىلىعى 750 ورىندىق اۆتوۆوكزالدا جولاۋشىلار تەرمينالى دا بولادى. تەرمينال ءبىر ۋاقىتتا 500 ادامعا دەيىن قابىلداي الادى. بۇل باستاما ايماقتىڭ لوگيستيكا سالاسىنىڭ دامۋىنا اسەرىن تيگىزبەك. نىسان 2024 جىلى قولدانىسقا بەرىلەدى دەپ جوسپارلانۋدا.
پرەزيدەنت قاسىم-جومارت توقاەۆ 22 قىركۇيەكتە ماڭعىستاۋ وبلىسىنا كەلگەن ساپارىندا ءوڭىردىڭ الەۋمەتتىك-ەكونوميكالىق دامۋى جونىندەگى جيىندا ينفلياتسيا دەڭگەيىنىڭ جوعارى ەكەنىن, مۇنىڭ ازىق-ت ۇلىك تاۋارلارى باعاسىنىڭ تەز وسۋىنە اسەر ەتىپ جاتقانىن ايتتى.
ازىق-ت ۇلىك باعاسىنىڭ قىمباتتاۋىن توقتاتۋ ءۇشىن اۋىل شارۋاشىلىعى ونىمدەرىنە تولىق قول جەتىمدى ءارى رەتكە كەلتىرىلگەن ساۋدا الاڭدارىن اشۋدى تاپسىرعان بولاتىن.
«وبلىس اكىمى پرەزيدەنت تاپسىرماسىنا سايكەس بىرقاتار ناقتى مىندەتتى جۇكتەدى. قۇنى 1,5 ملرد تەڭگە بولاتىن جوبانى جۇزەگە اسىراتىن ينۆەستورلار تابىلىپ, 36 شاعىن اۋداننان جەر ۋچاسكەسى بەرىلدى. جوبانىڭ باستى ماقساتى – باسەكەلەستىكتى ارتتىرۋ ارقىلى ازىق-ت ۇلىك باعالارىنىڭ نەگىزسىز ءوسۋىن بولدىرماۋ. بۇل ءوز كەزەگىندە دەلدالسىز ءونىم ساتۋ ارقىلى تۇتىنۋشىلار ءۇشىن باعانى تۇراقتاندىرۋعا وڭ اسەر ەتەدى. مۇندا سالىناتىن قۇرعاق قويما, توڭازىتقىش جانە مۇزداتقىش قويمالارعا جىلىنا 73 مىڭ توننا ءونىم ساقتالاتىن بولادى. ينۆەستور جوبا اياسىندا 250 جاڭا جۇمىس ورنى قۇرىلادى دەپ كۇتىلۋدە», - دەدى اقتاۋ قالاسى اكىمىنىڭ ورىنباسارى ەربول ىزبەرگەنوۆ.