الەۋمەتتىك جەلىدە «قويمەن بۋدانداستىرىلعان شوشقا» دەگەن تاقىرىپتاعى ۆيدەو تارالىپ, ونى الەۋمەت قىزۋ تالقىلاپ جاتىر, دەپ حابارلايدى Egemen.kz.
وسىعان بايلانىستى اۋىل شارۋاشىلىعى مينيسترلىگىنىڭ ءباسپاسوز حاتشىسى تۇسىنىكتەمە بەردى.
«الدىمەن, شوشقا مەن قوي – فيزيولوگياسى مەن گەنەتيكاسى بويىنشا ءارتۇرلى جانۋار. قويداعى حروموسومالاردىڭ سانى – 54, ال شوشقادا – 38. حروموسومالار سانىنداعى بۇل ايىرماشىلىق شوشقا نەمەسە قويدىڭ جاڭا تۇرلەرىن شىعارۋ ءۇشىن تاجىريبە جاساۋعا كەلمەيدى دەگەندى بىلدىرەدى. بۇل دەگەنىمىز, عىلىمي تۇرعىدا مۇمكىن ەمەس. الەمدە مۇنداي جۇمىس تۇرلەرى جۇرگىزىلمەيدى. باسقا-باسقا قازاقستاندا اتىمەن جوق ءارى بولۋى مۇمكىن ەمەس. بۋدانداستىرعان كۇننىڭ وزىندە بۇل جانۋارلار ۇرىق بەرمەيدى. قازىرگى ۋاقىتتا الەمدىك دەڭگەيدە قوي مەن شوشقانىڭ ومىرشەڭ بۋداندارى تۋرالى اقپارات تا جوق», دەپ جازدى مەكەمەنىڭ ءباسپاسوز حاتشىسى دامير اسپان.
سونداي-اق, ول الەۋمەتتىك جەلى قولدانۋشىلارى اراسىندا تارالعان ۆيدەوداعى جانۋاردىڭ قايدان شىققانىن جازدى.
«ال جەلىدە تاراپ جاتقان ۆيدەودا شوشقا ءتارىزدى قوي ەمەس, مانگاليا شوشقا تۇقىمى بەينەلەنگەن. ول 19 عاسىردا ەسكى ۆەنگر شوشقا تۇقىمدارى (باكوني جانە سزالونتاي) مەن ەۋروپالىق قاباندى بۋدانداستىرۋ نەگىزىندە وسىرىلگەن. ءوزىنىڭ توزىمدىلىگىنىڭ ارقاسىندا ۆەنگريادا ءجيى كەزدەسەدى», دەيدى ول.