ەلوردادا ءوتىپ جاتقان قمدب عۇلامالار كەڭەسىنىڭ ءحححىى ماجىلىسىندە ءپاتۋالار جيناعىنىڭ ءۇشىنشى كىتابى تانىستىرىلدى, دەپ حابارلايدى Egemen.kz.
«Muftiyat» باسپاسى شىعارعان جيناقتىڭ تانىستىرىلىمىنا باس ءمۇفتي ناۋرىزباي قاجى تاعان ۇلى باستاعان عۇلامالار كەڭەسى مۇشەلەرى قاتىستى.
«وزەكتى ءدىني ماسەلەدە قوعام اراسىندا «عۇلامالار كەڭەسىنىڭ ۇستانىمى قانداي؟ قانداي ءپاتۋا شىعارادى؟» دەگەن ساۋالدار ءجيى قويىلادى. بۇل جيناق – كەڭەستىڭ اتقارىپ وتىرعان اۋقىمدى ەڭبەگى مەن جانقيارلىقپەن جاساپ جاتقان جۇمىستارىنىڭ جەمىسى دەپ اتار ەدىم», دەدى قمدب توراعاسى.
شاريعات جانە ءپاتۋا ءبولىمى ماماندارى دايىنداعان جيناقتا قازىرگى كەزدە قوعامدا ءجيى تالقىلاناتىن كوكەيكەستى ماسەلەلەر مەن ۇكىمدەر جان-جاقتى قارالىپ, شاريعات نەگىزدەرىنە سۇيەنە وتىرىپ, شەشىمى مەن ءپاتۋالارى توپتاستىرىلىپ وتىر. ەڭبەك ءدىن قىزمەتىندەگى يمامدارعا, يماندىلىق جولىندا ءتالىم الۋشى شاكىرتتەرگە, سونداي-اق جالپى مۇسىلمان قاۋىمىنا ارنالعان.