قازاقستاندا تۇرعىن ءۇي جاعدايىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ قاعيدالارىنا وزگەرىستەر بەكىتىلدى. بۇل تۋرالى 10 جەلتوقساندا كەشكە يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تكش ىستەرى كوميتەتى باسشىسىنىڭ ورىنباسارى باقىتجان قاشاقوۆ Facebook-تەگى پاراقشاسىندا مالىمدەدى, دەپ حابارلايدى Egemen.kz.
«بارشاڭىزدى قۋانتقىم كەلىپ تۇر! بۇگىن تۇرعىن ءۇي جاعدايىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ ەرەجەلەرىنە وزگەرىستەردى بەكىتتىك. جاڭا نورمالارعا سايكەس, ەندى:
- تۇرعىن ءۇي ساتىپ الۋ ءۇشىن تۇرعىن ءۇي قۇرىلىسى جيناق اقشاسىنا سالىمدى تولىقتىرۋعا بولادى. بۇل رەتتە ءۇش جىل ىشىندە تۇرعىن ءۇي قارىزىن راسىمدەۋ قاجەت.
سونىمەن قاتار, مەملەكەت سىيلىقاقىسى مەن سىياقى مولشەرلەمەسى تولىقتىرىلعان قاراجات ەسكەرىلە وتىرىپ, سالىم سوماسىنا تولەنەدى.
- جەكە ءۇي سالۋ ءۇشىن جەر ۋچاسكەسىن ساتىپ الۋ نەمەسە ءوزىنىڭ جەر ۋچاسكەسىندە جەكە ءۇي سالۋ.
الايدا تۇرعىن ءۇي قۇرىلىسى جيناقتارى سالىمىن كەپىل رەتىندە بەرۋگە بولمايدى», دەپ جازدى كوميتەت باسشىسىنىڭ ورىنباسارى.
كەيىن شەنەۋنىكتىڭ جاڭالىعىنا «وتباسى بانك» باسشىسى ءلاززات يبراگيموۆا پىكىر ءبىلدىردى.
«الاقاي! يندۋستريا جانە ينفراقۇرىلىمدىق دامۋ مينيسترلىگىنە, اسىرەسە قۇرىلىس ىستەرى كوميتەتىنە العىس ايتامىز», دەپ جازدى ول Facebook-تە.