Takeda Pharmaceutical Company Limited (Takeda) جاھاندىق بيوفارماتسەۆتيكالىق كومپانياسىنىڭ ەنشىلەس ۇيىمى بولىپ تابىلاتىن «تاكەدا قازاقستان» كومپانياسى سيرەك كەزدەسەتىن جانە ومىرگە قاۋىپ توندىرەتىن اۋرۋدى – تۇقىم قۋالايتىن انگيونەۆروتيكالىق ءىسىنۋدى (تقاى) ەمدەۋگە ارنالعان س1-ەستەرازا ينگيبيتورى يننوۆاتسيالىق پرەپاراتىن قازاقستاندىق نارىققا شىعاردى, دەپ جازادى Egemen.kz.
پرەپارات سيرەك كەزدەسەتىن اۋرۋلاردى ەمدەۋگە ارنالعان دارىلىك زاتتار تىزىمىنە كىرەدى. قازاقستاندىق پاتسيەنتتەر پرەپاراتتى ەمدەۋشى دارىگەردىڭ تاعايىنداۋى بويىنشا قولدانا الادى. 240 جىل بويى قىزمەت ەتىپ كەلە جاتقان Takeda كومپانياسىنىڭ نەگىزگى ماقساتتارىنىڭ ءبىرى پاتسيەنتتەردىڭ ءومىر ءسۇرۋ ساپاسىن جاقسارتۋ. قازاقستاندا Takeda سيرەك كەزدەسەتىن اۋرۋلارى بار پاتسيەنتتەردىڭ يننوۆاتسيالىق تەراپياعا قولجەتىمدىلىگىن ارتتىرۋعا كۇش سالادى. بىرەگەي پرەپاراتتى قازاقستان رەسپۋبليكاسىنىڭ ساتۋ نارىعىنا تىركەۋ – كومپانيانىڭ پاتسيەنتتەرگە كورسەتكەن جوعارى قامقورلىعى. «تقاى دارىلىك تەراپياسىن ءبىز 25 جىلدان بەرى جۇمىس ىستەپ كەلە جاتقان قازاقستان نارىعىنا شىعارۋ Takeda كومپانياسىنىڭ كوپجىلدىق ساياساتىنىڭ جالعاسى بولىپ تابىلادى. ءبىز قازاقستاندىق پاتسيەنتتەردى الەمدىك تاجىريبەمەن تەكسەرىلگەن يننوۆاتسيالىق تەراپيامەن قامتاماسىز ەتۋگە جانە ازاماتتارىمىزدى ەمدەۋ جولىندا دارىگەر مەن مەملەكەتكە سەرىكتەس بولۋعا تىرىسامىز. Takeda ءوسىپ كەلە جاتقان جانە دامۋشى نارىق رەتىندە قازاقستانعا باسىم نازار اۋدارادى, سونداي-اق ەمدەۋ ادىستەرى از نەمەسە تەراپياسى مۇلدە جوق سيرەك كەزدەسەتىن اۋرۋلارمەن اۋىراتىن پاتسيەنتتەردىڭ قاجەتتىلىكتەرىن قاناعاتتاندىرۋ ءۇشىن بارلىق كۇش-جىگەرىن سالادى», دەدى «تاكەدا قازاقستان» ديرەكتورى سابيرا سالىحوۆا. كلينيكالىق زەرتتەۋلەردىڭ دەرەكتەرىنە سايكەس پرەپارات بارلىق باعىتتا – تقاى الدىن الۋ رەجيمىندە, اۋرۋدىڭ ەمشارا الدىنداعى (ستوماتولوگيالىق نەمەسە باسقا مەديتسينالىق) جانە وپەراتسيا الدىنداعى پروفيلاكتيكاسىندا, سونداي-اق ەمدەلۋشىلەردىڭ ءارتۇرلى توپتارىنىڭ (2 جاستان اسقان بالالار, ەرەسەكتەر جانە جۇكتى ايەلدەر) تقاى ۇستامالارىن جەدەل ەمدەۋ كەزىندە ءوزىنىڭ جوعارى تيىمدىلىگىن كورسەتتى. پرەپاراتتىڭ قولايلى قاۋىپسىزدىك ءپروفيلى بارى جانە جاعىمدى بولۋى دا ماڭىزدى.
«اقش پەن ەو ەلدەرىن قوسا العاندا, الەمنىڭ كوپتەگەن ەلدەرىندە ماقۇلدانىپ, قولدانىلاتىن وسى تەراپيانىڭ پايدا بولۋى قازاقستاندىق پاتسيەنتتەر ءۇشىن ءومىر ساپاسىن ەداۋىر جاقسارتۋ, جۇمىسقا, وقۋعا جانە دەمالىسقا سەرگەك كىرىسۋگە مۇمكىندىك بىلدىرەدى. تۇقىم قۋالايتىن انگيونەۆروتيكالىق ءىسىنۋ – بۇل باستاپقى يممۋن تاپشىلىعى, ول گكس جانە انتيگيستاميندەرمەن توقتاۋ مۇمكىندىگى تومەن اۋىر, كوبىنەسە ومىرگە قاۋىپتى ىسىنۋلەر تۇرىندە بولادى. بۇل اۋرۋدى ەرتە دياگنوستيكالاۋ پروبلەمالى بولىپ تابىلادى. وسى كورسەتكىش بويىنشا, سوڭعى ۋاقىتتا 19 پاتسيەنت انىقتالدى, بىراق ەپيدەميولوگيالىق مالىمەتتەر بويىنشا كەم دەگەندە 600 پاتسيەنت بولجالعان. بۇل پاتسيەنتتەردىڭ ومىرىنە ۇنەمى قاۋىپ ءتونىپ تۇرادى. رەسپۋبليكادا س1 ينگيبيتور پرەپاراتىن تىركەۋ ءبىزدىڭ پاتسيەنتتەرگە بەلسەندى ءومىر سۇرۋگە مۇمكىندىك بەردى. پرەپاراتتىڭ جوعارى تيىمدىلىگى, جوعارى قاۋىپسىزدىك ءپروفيلىنىڭ بولۋى جانە پاتسيەنتتى ەمدەۋدىڭ بارلىق كەزەڭدەرىندە قولدانۋ مۇمكىندىگى قۋانتادى», دەيدى قازاق يممۋنودەفيتسيتتەر قوعامى يممۋنولوگتارى قاۋىمداستىعىنىڭ توراعاسى, مەديتسينا عىلىمدارىنىڭ دوكتورى, پروفەسسور ەلەنا فيودوروۆنا كوۆزەل.
تۇقىم قۋالايتىن انگيونەۆروتيكالىق ءىسىنۋ (تقاى) ومىرگە قاۋىپتى اۋرۋ بولىپ تابىلادى. 2020 جىلعى رەسمي ستاتيستيكاعا سايكەس الەمنىڭ 56 ەلىندە تقاى اۋرۋىمەن اۋىراتىن 2568 وتباسى بولعان.