ەڭبەك جانە حالىقتى الەۋمەتتىك قورعاۋ مينيسترلىگى «التىن القا» جانە «كۇمىس القا» القالارىمەن ماراپاتتالعان كوپبالالى انالارعا مەملەكەتتىك جاردەماقى تاعايىنداۋ بويىنشا قىزمەتتى پرواكتيۆتى فورماتتا الۋ ءتارتىبىن جەڭىلدەتتى, دەپ جازادى Egemen.kz.
كوپبالالى انالاردىڭ ۋاقىتىن ۇنەمدەۋ ماقساتىندا ەڭبەك مينيسترلىگى 2019 جىلدان باستاپ وسى جاردەماقىنى تاعايىنداۋ بويىنشا مەملەكەتتىك قىزمەتتى پرواكتيۆتى فورماتتا الۋعا مۇمكىندىك بەرەدى.
«ولار مەملەكەتتىك قىزمەتتەردى كەز كەلگەن ىڭعايلى ۋاقىتتا جانە كەز كەلگەن جەردە الا الادى. كورسەتىلەتىن قىزمەتتى الۋشى ءبىر عانا SMS-حابارلاماعا جاۋاپ بەرە وتىرىپ, جاردەماقىنى پرواكتيۆتى رەسىمدەۋگە كەلىسىم بەرەدى جانە بانك شوتىن راستايدى. مەملەكەتتىك قىزمەت كورسەتۋ ءۇشىن قاجەتتى باسقا دا مالىمەتتەر مەملەكەتتىك ورگانداردىڭ اقپاراتتىق جۇيەلەرىنەن تۇسەدى», دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ.
جەڭىلدەتىلگەن ءتارتىپ مەملەكەتتىك جاردەماقىنى پرواكتيۆتى فورماتتا تاعايىنداۋدى ايتارلىقتاي ارتتىرۋعا مۇمكىندىك بەردى. وسى وزگەرىستەردىڭ ارقاسىندا 2021 جىلى پرواكتيۆتى قىزمەت العان كوپبالالى انالاردىڭ سانى ەكى ەسەدەن استام – 9 مىڭ ادامعا دەيىن ءوستى.