ەلوردادا Pfizer پرەپاراتىن الۋعا جاتاتىن كونتينگەنتتىڭ 8,6 مىڭنان استامى ەگىلدى. ۆاكتسيناتسيادان وتكەندەر اراسىندا ءبىرىنشى ورىندا جاسوسپىرىمدەر – 12 جاستان اسقان 5 900-گە جۋىق بالا تۇر, دەپ حابارلايدى Egemen.kz.
قالالىق قوعامدىق دەنساۋلىق ساقتاۋ باسقارماسى وقۋشىلاردىڭ مەديتسينالىق ۇيىمداردا دا, ءبىلىم بەرۋ مەكەمەلەرىنىڭ مەديتسينالىق پۋنكتتەرىندە دە بەلسەندى ۆاكتسيناتسيالاناتىنىن حابارلادى.
«ودان كەيىن ەمىزەتىن انالار – 2 500-دەن استام, ال جۇكتى ايەلدەر – 191 ادام.
جالپى قالا بويىنشا كۆي-عا قارسى ۆاكتسينانىڭ ءبىرىنشى كومپونەنتىن 475 مىڭعا جۋىق ازامات الدى, ال 434 مىڭعا جۋىق تۇرعىن يممۋنداۋدىڭ تولىق كۋرسىنان ءوتتى.
سونداي-اق, ەلوردادا كومپونەنتتەر اراسىنداعى ينتەرۆالعا سايكەس ازاماتتاردىڭ رەۆاكتسيناتسياسى جالعاسۋدا. وسىلايشا, قالادا 1600-دەن استام ادام قايتا ەگىلدى», دەلىنگەن اكىمدىك حابارلاماسىندا.