پاۆلوداردا بوياۋ ساقتالعان قويما ورتەندى

پاۆلودار وبلىستىق تجد ءباسپاسوز قىزمەتىنىڭ مالىمدەۋىنشە, 28 قاراشا كۇنى ساعات 22:01-دە «101» پۋلتىنە وبلىس ورتالىعىنداعى قويمادا ءورت شىققانى تۋرالى حابارلاما كەلىپ تۇسكەن.

«شىعىس وندىرىستىك ايماق كوشەسى, 53 ا مەكەنجايىندا «لاكرا» جشس-دە لاك-بوياۋ بۇيىمدارىن دايىنداۋ جانە ساقتاۋعا ارنالعان جەكە تۇرعان قويمادا ءورت شىقتى. جالپى اۋدانى 432 شارشى مەتر اۋماقتا لاكتالعان, بويالعان بۇيىمدار وندىرۋگە ارنالعان 6 مەتالل قوندىرعى جانعان. ساعات 00:05-تە ءورت ءسوندىرىلدى. وقيعا ورنىندا دەپارتامەنتتەن 41 قىزمەتكەر مەن 9 تەحنيكا, «پمحز» جشس-نەن 5 قىزمەتكەر مەن 1 تەحنيكا, اپاتتىق مەديتسينالىق ورتالىقتان 4 قىزمەتكەر مەن 1 تەحنيكا جۇمىلدىرىلدى», دەدى ءباسپاسوز قىزمەتىندە.

وقيعانىڭ ءمان-جايى, ءورتتىڭ شىعۋ سەبەبى مەن شىعىنى انىقتالۋدا.فوتو جانە ۆيدەو: وبلىستىق تجد