يندۋستريا جانە ينفراقۇرىلىمدىق دامۋ ءمينيسترى قازاقستاندا تۇرعىن ءۇي باعاسى قاشان تۇراقتالاتىنىن بولجادى, دەپ حابارلادى Egemen.kz.
بۇل تۋرالى حابار24 تەلەارناسى ءمالىم ەتتى.
مينيستر قۇرىلىس ماتەريالدارىن شىعاراتىن جاڭا كاسىپورىندار اشىلاتىنىن ايتتى. قازىر وسى باعىتتا مينيسترلىكتە بىرقاتار جوبا قاراستىرىلىپ جاتىر. بەيبىت اتامقۇلوۆتىڭ پايىمىنشا جاڭا وندىرىستەر باسپانا باعاسىنىڭ شارىقتاۋىن توقتاتادى.
«ەلىمىزدە وندىرىلەتىن بىرقاتار ماتەريالدىڭ تىزبەگى جاساقتالدى. بۇگىندە 35 جوبانى جۇزەگە اسىرۋ جوسپارلانىپ وتىر. جاڭا وندىرىستەر. ءبىرىنشى كەزەكتە سان-فايانس پەن وزگە دە كەراميكا شىعارامىز. بۇگىندە كەراميكا وندىرەتىن 3 زاۋىت جۇمىس ىستەيدى», دەدى اتامقۇلوۆ «ناتسيونالنىي ينتەرەس» باعدارلاماسىنا بەرگەن سۇحباتىندا.
الايدا, ۆەدرمستۆو باسشىسىنىڭ ايتۋىنشا, ەلىمىزدە ءوندىرىس كولەمى از. مينيسترلىك تاعى 3 كاسىپورىندى ىسكە قوسىپ, قازاقستاندا كەراميكالىق ماتەريال ءوندىرىسىن 100 پروتسەنت قامتاماسىز ەتۋدى جوسپارلاپ وتىر.
ءمينيستردىڭ بولجامىنشا تۇرعىن ءۇي باعاسى كەلەسى جىلى تۇراقتالادى.
«مەنىڭ بولجامىمشا باعا ءبىر قالىپقا كەلەدى. قازىر سۇرانىس بولعان سوڭ قۇرىلىس كومپانيالارى ءۇيدى سالىپ جاتىر», دەپ تۇيىندەدى بەيبىت اتامقۇلوۆ.