ءبىرىنشى جارتىلاي ورتا سالماقتا باق سىناپ جۇرگەن قازاقستاندىق كاسىپقوي بوكسشى جانقوش تۇراروۆ ەكى جىلدان استام ۋاقىت ۇزىلىستەن كەيىن شارشى الاڭعا ورالاتىنى بەلگىلى. 18 جەلتوقسان كۇنى نۇر-سۇلتان تورىندە وتەتىن بوكس كەشىندە شارشى الاڭعا كوتەرىلەتىن قازاق وعلانىنىڭ قارسىلاسى انىقتالدى, دەپ حابارلايدى Egemen.kz.
سوڭعى دەرەكتەرگە زەر سالساق, جانقوش تۇراروۆ مىسىرلىق ابدۋمونەم سايدپەن قولعاپ تۇيىستىرەدى. ەگيپەت بوكسشىسى شارشى الاڭعا 24 مارتە شىعىپ, ونىڭ 22-ىندە جەڭىسكە جەتكەن, ءبىر كەزدەسۋدە جەڭىلىپ, ءبىر جەكپە-جەكتە قارسىلاسىمەن تەڭ تۇسكەن. ال جانقوش تۇراروۆ 24 جەكپە-جەگىنىڭ بارلىعىندا قارسىلاستارىنان ايلاسىن اسىرعان. مىسىرلىق بوكسشىنىڭ 39 جاستا ەكەنىن ەسكەرسەك, جانقوش بۇل كەزدەسۋدە جىلدامدىعىن, بۇكىل شەبەرلىگىن كورسەتە الادى دەپ پايىمدايمىز. جەكپە-جەك ون راۋندقا جوسپارلانعان.