تايلاندتا جاعاجاي ۆولەيبولىنان ازيا چەمپيوناتى ءوتىپ جاتىر. ءۇشىنشى ورىن ءۇشىن ماتچقا قازاقستاننىڭ ەرلەر كومانداسى قاتىسادى, دەپ حابارلايدى Egemen.kz Olympic.kz-كە سىلتەمە جاساپ.
دميتري ياكوۆلەۆ پەن سەرگەي بوگاتۋ جارتىلاي فينالدا يراننىڭ قارسىلاستارىمەن كەزدەستى. يران سپورتشىلارى 2:0 ەسەبىمەن جەڭىسكە جەتتى.
وسىلايشا, قازاقستان ءۇشىنشى ورىن ءۇشىن ماتچتا ونەر كورسەتەدى. ول ەرتەڭ, 27 قاراشادا كاتار كومانداسىنا قارسى وتەدى.