وزبەكستاندا 18 جاستان اسقان حالىقتىڭ 80 پايىزعا جۋىعى كوروناۆيرۋسقا قارسى ۆاكتسينانىڭ العاشقى دوزاسىن الدى, دەپ حابارلايدى Egemen.kz.
ءور دەنساۋلىق ساقتاۋ مينيسترلىگىنىڭ مالىمەتى بويىنشا بۇگىنگى تاڭدا ەلدە ۆاكتسينانىڭ 32 803 308 دوزاسى پايدالانىلدى, سونىڭ ىشىندە 17 098 127 ادام ءبىرىنشى دوزا السا, ەكىنشى جانە ءۇشىنشى (قىتاي مەن وزبەكستان بىرلەسىپ شىعارعان ZF-UZ-VAC2001 ۆاكتسيناسىنىڭ ءۇش دوزاسى سالىنادى) كومپونەنتىمەن تيىسىنشە 10 360 453 جانە 5 344 728 وزبەكستاندىق ەگىلگەن.
ء«بىرىنشى دوزا العاندار كورسەتكىشى ەلدىڭ ەكپە سالدىراتىن ەرەسەك حالقىنىڭ 79,7 پروتسەنتىن قۇرايدى», دەپ حابارلادى ءور دەنساۋلىق ساقتاۋ مينيسترلىگىنەن.
ەسكە سالا كەتەيىك, وزبەكستاندا ەكپە سالدىرۋ ناۋقانى 1 ساۋىردە باستالدى. ۆاكتسيناتسيا بارىسىندا التى پرەپارات قولدانىلۋدا: AstraZeneca, ZF-UZ-VAC2001, «سپۋتنيك-V», Moderna, Pfizer جانە Sinovac. رەسپۋبليكادا 3 تامىزدا جۇمىس ىستەيتىن حالىقتى مندەتتى ۆاكتسينالاۋ تۋرالى زاڭ قابىلداندى.