قر پرەمەر-ءمينيسترىنىڭ ورىنباسارى ەرالى توعجانوۆ الداعى جىلدارى مەديتسينا قىزمەتكەرلەرىنىڭ جالاقىسىن كوتەرۋگە قاراستىرىلعان قاراجاتتىڭ سوماسىن اتادى, دەپ حابارلايدى Egemen.kz.
«بۇدان باسقا, مەملەكەت باسشىسىنىڭ 2020-2025 جىلدارعا ارنالعان قازاقستان حالقىنا جولداۋىن ىسكە اسىرۋ اياسىندا مەديتسينا قىزمەتكەرلەرىنىڭ جالاقىسىن كەزەڭ-كەزەڭىمەن ارتتىرۋ كوزدەلگەن», دەپ ەسكە سالدى ەرالى توعجانوۆ دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, 2021 جىلدىڭ 1 قاڭتارىنان باستاپ دەنساۋلىق ساقتاۋ سالاسىنىڭ 247 مىڭ مەديتسينا قىزمەتكەرى, ونىڭ ىشىندە: دارىگەرلەردىڭ جالاقىسى ورتا ەسەپپەن 30%-عا (246,1-دەن 319,9 مىڭ تەڭگەگە دەيىن), ورتا مەديتسينا قىزمەتكەرلەرىنىڭ جالاقىسى 20%-عا (144,6-دان 173,5 مىڭ تەڭگەگە دەيىن) ءوستى.
2023 جىلعا قاراي مەديتسينا قىزمەتكەرلەرىنىڭ جالاقىسىن ەكونوميكاداعى ورتاشا جالاقىعا قاتىستى 2,5 ەسەگە دەيىن (561 مىڭ تەڭگەگە دەيىن) ارتتىرۋ جوسپارلانۋدا. بۇل ماقساتتارعا 2021 جىلعا - 222,3 ملرد تەڭگە, 2022 جىلعا - 361,7 ملرد تەڭگە, 2023 جىلعا - 557,4 ملرد تەڭگە سوماسىندا قاراجات كوزدەلگەن, ونىڭ ىشىندە: رەسپۋبليكالىق بيۋدجەت قاراجاتى ەسەبىنەن 2021 جىلى - 156,8 ملرد تەڭگە, 2022 جىلى - 255,1 ملرد تەڭگە, 2023 جىلى - 393,1 ملرد تەڭگە, ءمامس قاراجاتى ەسەبىنەن 2021 جىلى - 65,5 ملرد تەڭگە, ونىڭ ىشىندە: 2022 جىلى - 106,6 ملرد تەڭگە, 2023 جىلى - 164,4 ملرد تەڭگە ءبولىندى.