اقمولا وبلىسىنداعى «ەكاتەرينبور-الماتى» تاسجولىندا ەكى جەڭىل اۆتوكولىك بەتپە بەت سوقتىعىستى, دەپ حابارلايدى Egemen.kz وبلىستىق پد ءباسپاسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە, 23 قاراشادا ساعات 00:10-دە جاقسى اۋداندىق پب كەزەكشىلىك بولىمىنە پەرەكاتنوە ستانتسياسىنىڭ تۇسىندا, «ەكاتەرينبور-الماتى» اۆتوجولىنىڭ 967 شاقىرىمىندا جول-كولىك وقيعاسى بولعانى تۋرالى حابار كەلدى.
انىقتالعانداي, قوستاناي قالاسى باعىتىندا ءجۇرىپ بارا جاتقان «Hyundai Sوlaris» اۆتوكولىگىنىڭ 52 جاستاعى جۇرگىزۋشىسى كولىك تىزگىنىن باسقارا الماي, قارسى باعىتتا كەلە جاتقان «Audi ۆ-4» كولىگىمەن بەتپە بەت سوقتىعىستى.
جول اپاتى سالدارىنان «Hyundai Sوlaris» كولىگىنىڭ جۇرگىزۋشىسى مەن جولاۋشىسى وقيعا ورنىندا كوز جۇمدى. ال, اتباسار قالاسىنىڭ تۇرعىنى باسقارعان «Audi ۆ-4» كولىگىنىڭ 59 جاستاعى جۇرگىزۋشىسى مەن ەكى جولاۋشىسى, سونداي-اق, «Hyundai Sوlaris» كولىگىنىڭ تاعى ءبىر جولاۋشىسى ءتۇرلى دەنە جاراقاتىمەن اۋرۋحاناعا ءتۇستى.
«قازىرگى ۋاقىتتا وسى وقيعاعا بايلانىستى قىلمىستىق كودەكستىڭ 345-ءشى بابىنىڭ 4-ءشى بولىگى «كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» بويىنشا سوتقا دەيىنگى تەرگەۋ باستالدى. ساراپتاما تاعايىندالدى», دەپ قوستى ۆەدومستۆودان.