اۋستريا جالپىۇلتتىق كارانتين جاريالادى

وسىلايشا, اۋستريا پاندەميانىڭ وسى تول­قى­نىندا تولىقتاي كارانتين جاريالاعان ال­عاش­قى ەۋروپا مەملەكەتى بولىپ وتىر. سونىمەن قاتار اۋستريا – ازاماتتارىنا جاپپاي ۆاكتسينا الۋدى مىندەتتەگەن العاشقى ەل. جاڭا زاڭ كۇشىنە اقپاندا ەنبەك.

ۇكىمەتتىڭ حابارلاۋىنشا, ۆيرۋس جۇقتىرعاندار سانى كەيىنگى اپتادا ءۇش ەسە وسكەن. اۋرۋحانالاردا جاقىن ارادا ورىن بولماۋ قاۋپى بار. سوندىقتان ەل ۇكىمەتى 10 كۇندىك كارانتين جاريالاۋعا ءماجبۇر بولىپ وتىر. ولاردىڭ حابارلاۋىنشا, قاجەت جاعدايدا كارانتين 20 كۇنگە سوزىلۋى مۇمكىن.

ازاماتتار ازىق-ت ۇلىك دۇكەندەرى مەن ءدارىحا­نا­لار­دان باسقا, اۋرۋحاناعا كورىنۋگە عانا بارا الادى.

اۋستريا كانتسلەرى الەكساندر شاللەنبەرگ بۇل شەكتەۋدى جۇما كۇنى تانىستىردى. ۆاكتسينانىڭ تولىق كومپونەنتىن العان ازاماتتار شەكتەۋلەرگە قاتىستى نارازىلىق ءبىلىردى. ولار بۇل شەشىمنىڭ ءادىل ەمەستىگىن العا تارتادى.

اۋستريا حالقىنىڭ 66 پايىزى, ياعني 8,9 ملن ازامات تولىق ۆاكتسينا العان. وسىعان دەيىن ۇكىمەت تەك قانا ۆاكتسينا الماعاندارعا شەكتەۋ جاساپ كورۋگە تىرىستى. دەگەنمەن حالىقتىڭ بەلگىلى ءبىر بولىگىن عانا شەكتەۋ ەلدەگى ينفەكتسيانىڭ تارالۋىن ازايتپادى.