ۇكىمەت وتىرىسىندا قر پرەمەر-ءمينيسترى اسقار مامين شەكارا ماڭىنداعى وڭىرلەرگە ەپيدەميولويگيالىق احۋالدى تۇراقتى باقىلاۋدا ۇستاۋدى تاپسىردى, دەپ حابارلايدى Egemen.kz.
ۇكىمەت باسشىسى ەلدەگى ەپيدەميولوگيالىق جاعداي تۇراقتى بولعانىمەن, شەكارالاس مەملەكەتتەردەگى جاعداي بوساڭسۋعا بولمايتىنىن كورسەتىپ وتىرعانىن اتادى.
«جالپى ەپيدەميولوگيالىق جاعداي تۇراقتى. ينفەكتسيالىق اۋرۋحانالارداعى ورىنداردىڭ قامتىلۋى 30 پايىزدى, ال رەانيماتسيالىق ورىنداردىڭ قامتىلۋى 25 پايىزدى قۇرايدى. «قىزىل» ايماقتا ەكى ءوڭىر – پاۆلودار جانە سولتۇستىك قازاقستان وبلىستارى قالىپ وتىر. «سارى» ايماقتا 4 ءوڭىر, «جاسىل» ايماقتا 11 ءوڭىر بار», دەگەن اسقار مامين سانيتاريالىق تالاپتاردى ءارى قاراي دا جاپپاي ساقتاۋ كەرەكتىگىن اتاپ ءوتتى.
«دەگەنمەن, ۆيرۋستىڭ تارالۋى شەكارالاس مەملەكەتتەردە وسكەنىن ەسكەرسەك, سانيتاريالىق تالاپ شارالارىن جاپپاي ساقتالۋى ءتيىس. اسىرەسە شەكارا ماڭىنداعى وڭىرلەر ەپيدەميولوگيالىق احۋالدى تۇراقتى باقىلاۋدا ۇستاۋى قاجەت», دەدى ۇكىمەت باسشىسى.