تۇركيانىڭ تانىمال كۋرورتتىق قالاسىنىڭ 5 جۇلدىزدى قوناقۇيىندە 73 تۋريست دەمالۋ كەزىندە ۋلانعان. زارداپ شەككەندەر اۋرۋحاناعا جەتكىزىلدى. جاپپاي ۋلانۋ وقيعاسى تۋرالى تۇركيالىق باق جازدى, دەپ حابارلايدى Egemen.kz.
وقيعا ىستانبۇل مەن انكارا اراسىندا ورنالاسقان تاۋ شاڭعى كۋرورتىندا بولدى. تۋريستەر Koru قوناقۇيىندە ۋلاندى. كەشكى استان كەيىن بىردەن 60 ستۋدەنت وزدەرىن ناشار سەزىنگەنى انىقتالدى. ولار ءىشتىڭ اۋىرۋى, ديارەيا جانە قۇسۋ تۋرالى شاعىمداندى. زارداپ شەككەندەر اۋرۋحاناعا جەتكىزىلدى, وندا دارىگەرلەر «تاماقتان ۋلانۋ» دياگنوزىن قويدى. تاڭەرتەڭ ستاتسيونارلىق ەمدەۋدى قاجەت ەتەتىن ساياحاتشىلار سانى 73-كە جەتتى.
پروۆينتسيانىڭ اۋىل شارۋاشىلىق ءبولىمىنىڭ قىزمەتكەرلەرى قوناقۇيدەن تاماق پەن سۋ سىنامالارىن الدى. ساراپتاما ناتيجەلەرى تۋرالى ازىرگە حابارلانعان جوق. ءبىر كۇننەن كەيىن كەيبىر ناۋقاس اۋرۋحانادان شىعارىلدى. قالعاندارى ەمدەلىپ جاتىر.