ورالدا فرانكفۋرتتان ۇشىپ كەلگەن ۇشاقتىڭ 60-تان استام جولاۋشىسى ەۆاكۋاتسيالاندى, دەپ حابارلايدى Egemen.kz.
وقيعا كۋاگەرى ءمالىم ەتكەنىندەي, 17 قاراشا كۇنى ساعات 23.00 شاماسىندا جارىلعىش زات قويىلدى دەگەن حابار تۇسكەننەن اۋەجايدا ابىگەر باستالعان.
بقو پوليتسيا دەپارتامەنتىنىڭ ءباسپاسوز قىزمەتى جالعان قوڭىراۋ شالىنباعانىن, وسى مەرزىمدە, ياعني 17 قاراشا كۇنى ساعات 22.00-دە اۋەجاي اۋماعىندا جوسپاردان تىس تەرروريزمگە قارسى جەدەل-تاكتيكالىق وقۋ-جاتتىعۋ جۇرگىزىلگەنىن جەتكىزدى.
«وسىعان بايلانىستى اۋەجاي اۋماعىندا ارنايى, قۇقىق قورعاۋ جانە باسقا مۇددەلى مەملەكەتتىك ورگاندار قىزمەتكەرلەرىنىڭ قاتىسۋىمەن تەرروريستىك قاۋىپ كەزىندەگى ءىس-قيمىل الگوريتمى پىسىقتالدى. فرانفۋرت-ورال ۇشاعىمەن كەلگەن 8 ەكيپاج مۇشەسى مەن 63 جولاۋشى ەۆاكۋاتسيالاندى. بۇل رەتتە ازاماتتار قاۋىپسىزدىك شارالارىمەن قامتاماسىز ەتىلدى», دەپ حابارلادى ۆەدومستۆودان.