بۇگىن تۇركىستان وبلىسىندا وقۋشىلار مەن جۇكتى ايەلدەرگە كوروناۆيرۋسقا قارسى «Pfizer» ۆاكتسيناسىن سالۋ باستالدى, دەپ حابارلايدى Egemen.kz.
دارىگەرلەر تۇرعىنداردى مەديتسينالىق تەكسەرۋدەن وتكىزىپ, قارسى كورسەتىلىمدەرى بولماعان جاعدايدا ەكپە ەگىپ جاتىر. مەكەمەلەردە پروفيلاكتيكالىق جۇمىستاردى جۇرگىزۋ ءۇشىن بارلىق جاعداي جاسالعان. ەكپە ەگەتىن مەديتسينا ماماندارى ارنايى وقىتۋدان وتكەن.
«Pfizer» ەكپەسى 12-دەن 18 جاسقا دەيىنگى جاسوسپىرىمدەرگە, جۇكتى ايەلدەر مەن لاكتاتسيا كەزەڭىندەگى ايەلدەرگە ەرىكتى تۇردە سالىنادى. پروفيلاكتيكالىق ەكپە ازاماتتاردىڭ ءوز كەلىسىمىمەن عانا جۇرگىزىلەدى. جاسوسپىرىمدەردى ۆاكتسيناتسيالاۋ – تەك اتا-اناسىنىڭ نەمەسە زاڭدى وكىلىنىڭ كەلىسىمىمەن جۇزەگە اسادى.
ايتا كەتەيىك, تۇركىستان وبلىسىنا «Pfizer» ۆاكتسيناسىنىڭ 29 250 دانا مولشەرىندەگى العاشقى پارتياسى جەتكىزىلگەن بولاتىن.