فۋتبولدان قازاقستان قۇراماسى 2022 جىلعى الەم چەمپيوناتىنىڭ ىرىكتەۋ كەزەڭىن انتيرەكوردپەن اياقتادى, دەپ حابارلايدى Egemen.kz Prosports.kz-كە سىلتەمە جاساپ.
ىرىكتەۋ كەزەڭنىڭ 8-تۋرىندا قازاقستاندىقتار الەم چەمپيونى فرانتسياعا قوناققا بارعان. بۇل ويىندا تالعات بايسۋفينوۆ جاس فۋتبولشىلارعا يەك ارتتى. ال فرانتسۋزدار الاڭعا نەگىزگى قۇرامىن شىعاردى.
ناتيجەسىندە الاڭ يەلەرى ۇزىلىسكە دەيىن جاۋاپسىز ءۇش گول سوعىپ تاستادى. ءۇش گولدى دا كيليان مباپپە سوقتى. ول الدىمەن 6, كەيىن 12-مينۋتتا كوزگە ءتۇستى, ال 32-مينۋتتا حەت-تريك اۆتورى اتاندى.
ەكىنشى تايمدا دا فرانتسيا فۋتبولشىلارى قارقىنىن ازايتقان جوق. 55 جانە 59-مينۋتتاردا كاريم بەنزەما ەسەپتى ۇلعايتتى.
كەزدەسۋدىڭ 75-مينۋتتا ادريەن رابو كومانداسىنىڭ التىنشى گولىن سالدى. 84-مينۋتتا انتۋان گريزمانن پەنالتيدەن گول سالىپ, ەسەپتى 7:0 قىلدى.
بىراق ماتچ مۇنىمەن بىتكەن جوق. 87-مينۋتتا مباپپە ماتچ نۇكتەسىن قويدى - 8:0.
قازاقستان ءوز تاريحىندا رەسمي ماتچتاردا مۇنداي ءىرى ەسەپپەن جەڭىلىپ كورمەگەن. سوندىقتان 0:8 قازاقستان تاريحىنداعى ەڭ ءىرى جەڭىلىس رەتىندە تىركەلىپ وتىر.
وسىلايشا, قازاقستاننىڭ ءاچ-2022 ىرىكتەۋ كەزەڭىندەگى جارىس جولى اياقتالدى. كوماندا سەگىز ماتچتىڭ ۇشەۋىندە تەڭ ءتۇسىپ, قالعان بەسەۋىندە جەڭىلىپ قالدى. بايسۋفينوۆ شاكىرتتەرى D توبىندا سوڭعى ورىن الدى. ال فرانتسيا قۇراماسى توپتا كوش باستاپ, كاتارداعى الەم چەمپيوناتىنا شىقتى.
الەم چەمپيوناتى – 2022. ىرىكتەۋ كەزەڭى. D توبى. 8-تۋر.
فرانتسيا – قازاقستان 8:0 (3:0)
گولدار: مباپپە 6, 12, 32, 97, بەنزەما 55, 59, رابو 75, گريزمانن پەن. 84.
فرانتسيا: لوريس (ق, ك), ل. ەرناندەس (لانگلە 79), يۋپامەكانو, كۋندە, ت. ەرناندەس, كانتە (تچۋامەني 72), رابو, كومان (پاۆار 79), بەنزەما (م. ديابي 72), گريزمانن, مباپپە (بەن-يەددەر 88).
قازاقستان: س. پوكاتيلوۆ (ق), تايكەنوۆ, ءالىپ, ماروچكين, ەرلانوۆ, بىستروۆ (قايىروۆ 85), جارىنبەتوۆ, قۋات, تاپالوۆ (بايتانا 68), ومىرتاەۆ (ۆاسيلەۆ 61), ايىمبەتوۆ (ا. جاقسىلىقوۆ 61).