اقتوبەدە بۇگىن قار جاۋىپ, بوران سوعىپ تۇر. سامارا – شىمكەنت تاسجولىنىڭ ءبىر بولىگى جابىلدى, دەپ حابارلايدى Egemen.kz.
اقتوبە وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, سامارا-شىمكەنت تاسجولىنىڭ حرومتاۋ قالاسىنان قارابۇتاق اۋىلىنا دەيىنگى ارالىعى جابىلدى.
«اۋا رايى جاعدايىنا بايلانىستى كولىك جۇرگىزۋشىلەرىنەن جول قوزعالىس ەرەجەسىن ساقتاۋدى, جىلدامدىقتى شامادان تىس اسىرماۋدى سۇرايمىز. قازىرگى كەزدە جولدىڭ ءبىر بولىگى جابىلىپ, پوليتسيا قىزمەتكەرلەرى باقىلاۋعا الدى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
ايتا كەتەيىك, اقتوبەدە بۇگىن العاشقى قار جاۋدى. جولدا جول-كولىك اپاتى كوبەيدى. وبلىس بويىنشا جول بويىندا بارلىعى 154 جىلىتۋ بەكەتى بار.