جاڭادان جەتكىزىلگەن Pfizer ۆاكتسيناسى بالالارعا, جۇكتى ايەلدەرگە جانە بالا ەمىزەتىن انالارعا عانا سالىنادى. بۇل تۋرالى الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ايتتى, دەپ حابارلايدى Egemen.kz.
ونىڭ ايتۋىنشا, ددسۇ ماقۇلداعان Pfizer ۆاكتسيناسى ەلگە جەتكىزىلىپ, ونى ەمحانالار اراسىندا ءبولۋ جۇمىستارى جۇرگىزىلىپ جاتىر.
وسىلايشا, ەرتەڭنەن باستاپ بالالارعا Pfizer ۆاكتسيناسى سالىنا باستايدى.
«اتالعان ۆاكتسينا ءۇش كاتەگورياعا بولىنگەن. ول 12-18 جاسقا دەيىنگى بالالارعا, جۇكتى ايەلدەرگە (16-30 اپتا) جانە بالا ەمىزەتىن انالارعا عانا سالىنادى. ازىرگە, حالىقتىڭ باسقا توبىنا بۇل ۆاكتسينا ەگىلمەيدى», دەيدى اسەل قالىقوۆا.
دەپارتامەنت باسشىسىنىڭ ورىنباسارى Pfizer ۆاكتسيناسىنىڭ ءبىر قۇتىسى التى ادامعا ارنالعانىن ايتتى.