قازاقستاندىقتار جاڭا اۆتوكولىكتەردى ءجيى ساتىپ الا باستادى

Energyprom.kz زەرتتەۋشىلەرى اتاپ وتكەندەي, بيىل قازاقستان وتكەن جىلمەن سالىستىرعاندا جەڭىل اۆتوموبيلدەر مەن جەڭىل كوممەرتسيالىق تەحنيكانى 39%-عا كوپ ساتتى.

وسىلايشا, وسى جىلدىڭ سەگىز ايىندا جاڭا جەڭىل اۆتوموبيلدەر مەن جەڭىل كوممەرتسيالىق تەحنيكانى ساتۋ 73,4 مىڭ بىرلىكتى قۇرادى.

ساتۋدىڭ وسىنداي جىلدىق ءوسۋى وتكەن جىلداردىڭ كورسەتكىشتەرىنەن ەداۋىر اسىپ تۇسەدى. مىسالى, 2020 جىلى ءوسىم 21,9%-دى قۇراسا, 2019 جىلى بۇل كورسەتكىش 19,6%-دى قۇرادى.

«2021 جىلدىڭ قىركۇيەگىندە ەلدىڭ ديلەرلەرى 10,5 مىڭ جەڭىل اۆتوكولىك پەن جەڭىل كوممەرتسيالىق تەحنيكانى ساتتى – بۇل ءبىر جىل بۇرىنعىعا قاراعاندا 3,3%-عا كوپ», دەپ ناقتىلادى ساراپشىلار.

قىركۇيەك ايىندا جاڭا اۆتوكولىكتەردى ساتۋ وتكەن جىلمەن سالىستىرعاندا بۇكىل الەم بويىنشا بىردەن 20,3%-عا تومەندەدى. ساتۋدىڭ كۇرت تومەندەۋى ۇلىبريتانيادا (34,4%-عا), سونداي-اق جاپونيا مەن يتاليادا (32,7%-عا) بايقالدى. رەسەيدە قىركۇيەك ايىندا ساتۋ 22,6%-عا تومەندەدى.