الماتى تمد-داعى «اقىلدى» قالالار اراسىندا ەكىنشى ورىندا

ونىڭ ايتۋىنشا, الماتى تمد مەن شىعىس ەۋروپا اۋماعىنداعى قالالاردىڭ كوشباسشى توبىنا كىرەدى. ء«بىزدىڭ مەگاپوليس ماسكەۋدەن كەيىن «اقىلدى» قالالار رەيتينگىندە - ەكىنشى, ال IDC رەيتينگىندەگى تسيفرلىق جەتىلۋ دەڭگەيى - 2,7 بالل. تسيفرلاندىرۋ تۋرالى ايتقاندا, پروتسەسستەر «الماتى-2050» جانە «تسيفرلى قازاقستان» باعدارلامالارىنىڭ ستراتەگيالىق ماقساتتارىنا سايكەس كەلۋى ءتيىس ەكەنىن تۇسىنگەن ءجون. ءبىز قالانى تسيفرلاندىرۋمەن قاتار, تۇرعىندار ءۇشىن قولايلى جاعداي جاساۋعا تىرىسامىز. ءبىزدىڭ باسقارما «اقىلدى» قالانىڭ 11 سالاسىن قامتي وتىرىپ, ءتۇرلى مەملەكەتتىك ورگاندار ۇسىنعان 17 تسيفرلىق وفيتسەردى بەكىتتى», دەپ اتاپ ءوتتى سپيكەر.

الماتىدا بىرىڭعاي دەرەكتەر بازاسى, سينگاپۋرلىق Smart City مودەلى بويىنشا بىرقاتار جوبالار ىسكە استى. اتالعان ءىT-پلاتفورما مەملەكەتتىك ورگاندارعا ءوزارا دەرەكتەرمەن دەرەۋ الماسۋعا مۇمكىندىك بەرەدى.

«ماسەلەن, 2021 جىلى قالانى تسيفرلاندىرۋ باسقارماسىنىڭ جۇمىسىنداعى باستى باعىت – بىرىڭعاي كوممۋنيكاتسيالىق كەڭىستىك قۇرۋ, قالا قىزمەتىنە ءىT كەڭەستى تارتۋ جانە قولدانبالى فورماتتا ۋنيۆەرسيتەتتەرمەن ءوزارا ءىس-قيمىلدى قالىپتاستىرۋ بولدى», دەيدى بايان قوڭىرباەۆ.

نەگىزگى يدەيا – بارلىق ءبىلىم مەكەمەلەرىن, تەحنوپاركتەردى, اكسەلەراتورلار مەن ءىت-كومپانيالاردى تىكەلەي بايلانىستى قامتاماسىز ەتەتىن ءبىر پلاتفورماعا بىرىكتىرۋ.

«بىرىڭعاي كوممۋنيكاتسيالىق كەڭىستىك – ءىT بيزنەس, ءىT تالانتتار جانە ءبىلىم كلاستەرى ءۇشىن ءبىر تەرەزە. قازىردىڭ وزىندە پلاتفورمادا 1800 ءىت تالانت, 17 ءىت كومپانيا تىركەلگەن, 18 بوس جۇمىس ورنى ورنالاستىرىلعان, 47 ءبىلىم كۋرسى بار», دەدى ول. سپيكەر الماتىنىڭ كلاستەرلىك دامۋى اياسىندا قالالىق ءىت كومپانيالار ورنالاساتىن اۋداندىق ءىت حابتار جوباسىنىڭ ىسكە اسىرىلىپ جاتقانىن جەتكىزدى. «جەكە ينۆەستورلاردىڭ قولداۋى ارقاسىندا قالادا فرانتسۋز باعدارلاما مەكتەبىنىڭ ECOLE 42-Academie ONE Informatique مودەلى بويىنشا جاڭا بۋىن باعدارلامالاۋ مەكتەبى قۇرىلۋدا. بۇدان بولەك, قالا اكىمدىگى ءىت كاسىپكەرلەردى جۇيەلى قولداۋ ءۇشىن كەزەڭمەن گرانت بولەدى», دەدى ول.