جەزقازعان قالاسىنىڭ «ناۋرىز» ساياباعىندا ۇلى اقىن, اعارتۋشى اباي قۇنانباي ۇلىنىڭ ەسكەرتكىشى ورناتىلدى. اشىلۋ سالتاناتىنا مەملەكەتتىك ورگانداردىڭ, مادەنيەت جانە ءبىلىم بەرۋ ۇيىمدارىنىڭ وكىلدەرى قاتىستى, دەپ حابارلايدى Egemen.kz قاراعاندى وبلىسى اكىمدىگىنىڭ رەسمي سايتىنا سىلتەمە جاساپ.
سالتاناتتى جيىندا جەزقازعان قالاسىنىڭ اكىمى قايرات ءابساتتاروۆ قالا تۇرعىندارى مەن قوناقتاردى قۇتتىقتادى.
«ەسكەرتكىش 30 جىلدىق تاريحى بار تاۋەلسىز ەلگە, ونىڭ ۇلى اقىنى جانە ويشىلى ابايدىڭ تالانتى مەن دانالىعىنا ارنالعان», دەدى قالا باسشىسى.
مونۋمەنتتى سۋرەتشى سايد اينەكوۆ پەن ءمۇسىنشى توقتار ەرمەكوۆ جاساپ شىقتى.
ءىس-شارا بارىسىندا ابايدىڭ ءومىرى مەن شىعارماشىلىعىنا ارنالعان تەاترلاندىرىلعان كورىنىستەر قويىلىپ, ولەڭدەر وقىلدى.
سوڭىندا قالا تۇرعىندارى مەن قوناقتارى بيىلعى جىلى جاڭارتىلعان «ناۋرىز» ساياباعىن ارالاپ كوردى.