اتىراۋدا ەسىرتكى ساتقان كۇدىكتى ۇستالدى

اتىراۋ وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆتىڭ مالىمەتىنشە, جىل باسىنان بەرى ساراپتاما قورىتىندىسىمەن زاڭسىز اينالىمنان 1 كەلى 700 گرامم ەسىرتكى الىنعان.

وسىعان بايلانىستى بقو, قوستاناي, اقتوبە قالالارىنان كەلگەن 13 كەپىلگەر, وزبەكستان رەسپۋبليكاسىنىڭ 1 ازاماتى ۇستالعان.

«ماسەلەن, 5 قاراشادا ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى ۇقك اتىراۋ وبلىسى بويىنشا دەپارتامەنتىنىڭ قىزمەتكەرلەرىمەن بىرلەسىپ​ تىيىم سالىنعان سينتەتيكالىق ەسىرتكىنى ساتۋمەن اينالىسىپ جۇرگەن كۇدىكتىنى ۇستادى. تەكسەرۋ كەزىندە 27 جاستاعى ەر ادامنىڭ جالدامالى پاتەردە ەسىرتكى دوزالارىن دايىنداپ كەلگەنى انىقتالدى. جالدامالى پاتەردەن ەسىرتكىنى ساتۋعا ارنالعان قۇرالدار مەن قۇرىلعىلارى تابىلدى. كۇدىكتىدەن ساراپتاما قورىتىندىسىنا سايكەس, جالپى سالماعى 300 گرامدى قۇرايتىن «الفا رVر» سينتەتيكالىق ەسىرتكى زاتى تابىلىپ, تاركىلەندى», دەيدى قامزا ۇمبەتقاليەۆ.

قازىر قۇرامىندا ەسىرتكىسى بار وسىمدىكتەردى ساقتاعان كۇدىكتىگە قاتىستى قر قىلمىستىق كودەكسىنىڭ 296-بابىنىڭ 4-بولىگىمەن سوتقا دەيىنگى تەرگەۋ ءجۇرىپ جاتىر.