الماتى قالاسىندا ءبىر تاۋلىكتە 3 172 ادام كوروناۆيرۋسقا قارسى ۆاكتسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى, دەپ حابارلايدى Egemen.kz.
«8 قاراشا كۇنى 3172 الماتىلىق ۆاكتسينا سالدىردى. كوروناۆيرۋسقا قارسى ەكپەنىڭ ءى كومپونەنتىن – 1 435, II كومپونەنتىن – 1737 ادام الدى. ۆاكتسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1 اقپانى مەن 8 قاراشا ارالىعىندا قالادا 1 004 025 تۇرعىن ۆاكتسينانىڭ ءبىرىنشى كومپونەنتىن, 953 318 ادام ەكىنشى كومپونەنتىن سالدىرعان. ونىڭ ىشىندە 121 195 ادامنىڭ جاسى 60-تان اسقان», دەپ حابارلادى باسقارمادان.
قالادا 137 پۋنكت جۇمىس ىستەپ تۇر. 733 ادامنان تۇراتىن 205 ەگۋ بريگاداسى بار.
«قازىر مەديتسينا ۇيىمدارىندا, مەكتەپتەردە, مادەنيەت, سپورت وبەكتىلەرىندە, بازارلار مەن قالانىڭ ساۋدا, ويىن-ساۋىق ورتالىقتارىندا ۆاكتسيناتسيا پۋنكتى جۇمىس ىستەيدى», دەپ ناقتىلادى دەنساۋلىق ساقتاۋ باسقارماسىنىڭ ءباسپاسوز قىزمەتى.