ساپاسىز ءونىم شىعارعاندار جازاسىز قالمايدى

كوميتەتكە قاراستى دەپارتامەنتتەر ونىمدەردىڭ ساپاسىن قاداعالاۋ ماق­ساتىندا پروفيلاكتيكالىق باقى­لاۋ جۇمىستارىن جۇرگىزەدى. ونىمدەر­دەن الىنعان سىناق ماتەريالدارىنا تالداۋ جاسايتىن ارنايى زەرتحانالار اشىلعان.

ماماندار ساپاسىز ونىمدەردى انىق­تاۋعا ارنالعان مەملەكەتتىك باقىلاۋدىڭ العاشقى ناتيجەلەرىن دە جاريا ەتتى. سونىڭ ىشىندە رەگلامەنت تالاپتارىنا ساي كەلمەيتىن ديزەل وتىنى دا بارى بەلگىلى بولدى. «بيىل ءتيىستى ساپادان كورىنبەگەن سالقىنداتقىش سۇيىقتىقتى اينالىمعا شىعارعانى ءۇشىن 6,2 ملن تەڭگە سوماسىنا ايىپپۇل سالىندى. سونىمەن قاتار وندىرۋشىگە بەرىلگەن حيميالىق ءونىمدى تىركەۋ تۋرالى كۋالىكتىڭ كۇشى جويىلدى», دەپ حابارلايدى تەحنيكالىق رەتتەۋ جانە مەترولوگيا كوميتەتىنىڭ توراعاسى ارمان ابەنوۆ.

كوميتەت سايكەستىكتى باعالاۋ تۋرالى قۇجاتتارعا دا ۇدايى مونيتورينگ جۇرگىزىپ كەلەدى. مەملەكەتتىك كىرىس­تەر كوميتەتىمەن بىرلەسە اتقارىل­عان اۋقىمدى جۇمىستاردىڭ شەڭبەرىندە زاڭسىز سەرتيفيكاتتار دا انىق­تالعان. سولار­دىڭ ىشىندە ويىن­شىق­تارعا, جەكە قور­عانىس قۇرال­دارى­نا, تۇرمىستىق ەلەكتر تەحنيكاسىنا, تاماق جانە جەڭىل ونەر­كاسىپ ونىمدەرىنە بەرىلگەن 282 دە­كلا­راتسيا مەن سەرتيفيكات كۇشىن جويعان.

جالپى, قازىر حالىقارالىق ساۋدادا باسەكەلەستىك ءجۇرىپ جاتىر. سايكەس­تىك­تى باعالاۋ قۇجاتتارى ادال باسەكە­لەس­تىكتى دامىتۋعا مۇمكىندىك بەرەدى. سوندىقتان زاڭسىز سەرتيفيكاتتارعا جول جوق. ءار ءونىم ساپالى ءارى قاۋىپسىز بولۋىمەن, قۇجاتقا سايكەس كەلۋىمەن ەرەكشەلەنۋى ءتيىس. مۇنداي ونىمدەر لەگى الەم بويىنشا ارتىپ كەلەدى, دەيدى كوميتەت وكىلدەرى. اسىرەسە حالال, ورگانيكالىق ونىمدەردىڭ ساۋداسى قىزىپ تۇر. حالىقارالىق ساۋدا ورتالىعىنىڭ باعالاۋى بويىنشا جاھاندىق حالال يندۋسترياسى قازىرگى تاڭدا 1,37 ترلن دوللارعا جەتكەن. بۇل عالامدىق ازىق-ت ۇلىك پەن سۋسىندار نارىعىنىڭ 18%-ىن قۇرايدى. Pew Research Center زەرتتەۋ ورتالىعىنىڭ بولجامى بويىنشا مۇنداي ونىمدەردى تۇتىناتىنداردىڭ قاتارى 2050 جىلعا قاراي 2,8 ملرد-قا جەتۋى مۇمكىن.

ورگانيكالىق ونىمدەر نارىعى دا ساپاسى جاعىنان حالال ءونىم يندۋس­ترياسىنان قالىسار ەمەس.  2000 جىلدان 2019 جىلعا دەيىن بۇل سالانىڭ ونىمدەرى بەس ەسەگە ءوستى. Grand View Research بولجامى بويىنشا نارىق ءوز ءوسىمىن جىلىنا 15-16% جىلدامدىقپەن جالعاستىرادى جانە 2025 جىلى شامامەن 210-230 ملرد دوللاردى قۇراماق.