اتىراۋ وبلىسىندا جوعالىپ كەتكەن 4 بالىقشىنى تىكۇشاقپەن ىزدەپ جاتىر, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, «امانگەلدى» جانە «سەفكاسپيفيش» جشس-ءنىڭ 4 بالىقشىسى 3 قاراشادا جوعالعان. ولار بالىق اۋلاۋعا شىعىپ, قايتا ورالماعان.
«جوعالعان بالىقشىلاردى ىزدەۋ بۇگىن, 6 قاراشا كۇنى باستالدى. وعان «مي-8 تىكۇشاعى تارتىلدى. تىكۇشاق اتىراۋ قالاسىنان ساعات 09:58-دە ۇشىپ شىقتى. بورتتا ەكيپاجدىڭ 3 مۇشەسى, توتەنشە جاعدايلار دەپارتامەنتىنىڭ 4 قىزمەتكەرى مەن «امانگەلدى» جشس-ءنىڭ 1 مامانى بار. اەروۆيزۋالدى ىزدەستىرۋ جۇمىستارى 270 شاقىرىم قاشىقتىقتا, ياعني كاسپي تەڭىزىنىڭ يساتاي, قۇرمانعازى اۋداندارى اۋماعىنداعى جاعالاۋدا جۇرگىزىلدى», دەپ حابارلادى دەپارتامەنتتىڭ ءباسپاسوز قىزمەتى.
جوعالعان بالىقشىلار ءالى تابىلعان جوق.