جاپونيا ۇكىمەتى ۇلى مارتەبەلى يمپەراتور نارۋحيتونىڭ اتىنان قازاقستاننىڭ كاناداداعى ەلشىسى اقىلبەك كامالدينوۆتى جانە قازاقستاننىڭ گرەكياداعى ەلشىسى ەرلان باۋداربەك-قوجاتاەۆتى «كۇنشىعىس, التىن جانە كۇمىس جۇلدىز وردەنىمەن» ماراپاتتادى, دەپ جازادى Egemen.kz.
جاپونيا سىرتقى ىستەر مينيسترلىگىنىڭ سايتىندا وتاندىق ديپلوماتتاردىڭ قازاقستان مەن جاپونيا اراسىنداعى ەكىجاقتى ىنتىماقتاستىقتى نىعايتۋعا جانە دوستىقتى تەرەڭدەتۋگە قوسقان ۇلەستەرى ءۇشىن ماراپاتتالعانى اتاپ كورسەتىلگەن.
ا. كامالدينوۆ 2007-2016 جىلدارى قازاقستاننىڭ جاپونياداعى ەلشىسى, 2016-2018 جىلدار ارالىعىندا سىرتقى ىستەر ءمينيسترىنىڭ ورىنباسارى قىزمەتىن اتقارعان.
ە. باۋداربەك-قوجاتاەۆ 2016-2021 جىلدارى قازاقستاننىڭ جاپونياداعى ەلشىسى بولىپ, 2017-2021 جىلدار ارالىعىندا جاپونيانىڭ توكاي ۋنيۆەرسيتەتىندە شاقىرىلعان پروفەسسور قىزمەتىن اتقارعان.
ماراپاتتالعان ديپلوماتتار جاپون جانە اعىلشىن تىلدەرىن مەڭگەرگەن.