ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ 2060 جىلعا دەيىنگى كومىرتەگى بەيتاراپتىعىنا قول جەتكىزۋ ستراتەگياسىنىڭ ستسەناريىن جاريالادى, دەپ جازادى Egemen.kz.
«مەملەكەت باسشىسى مالىمدەگەن كومىرتەگى بەيتاراپتىعىنا قول جەتكىزۋ ماقساتىن ورىنداۋ ءۇشىن 2060 جىلعا دەيىنگى كومىرتەگى بەيتاراپتىعى ستراتەگياسىنىڭ جوباسى ازىرلەندى. ەكى ستسەناري ازىرلەندى: بازالىق جانە كومىرتەكتى بەيتاراپ. الدىن الا ەسەپتەۋلەر بويىنشا, كومىرتەگى بەيتاراپتىعى ستسەناريىن جۇزەگە اسىرۋ 2060 جىلعا قاراي شىعارىندىلاردى 98 پايىزعا ازايتادى», دەدى سەرىكقالي برەكەشەۆ ۇكىمەت وتىرىسىندا.
ءمينيستردىڭ مالىمدەۋىنشە, ستراتەگيانى ازىرلەۋ بويىنشا جۇمىس جالعاسىپ جاتىر.
«سونىمەن قاتار ءبىز پاريج كەلىسىمىنىڭ ماقساتتارىنا جەتۋ ءۇشىن ۇلتتىق باعالانعان جارنالاردى (ONUV) جاڭارتۋ جۇمىستارىن اياقتادىق. بارلىق نەگىزگى سەكتورلار ءۇشىن پارنيكتىك گازدار شىعارىندىلارىن ازايتۋ شارالارىن قامتيتىن جول كارتاسى ازىرلەندى. قۇجات مەملەكەتتىك ورگاندارمەن كەلىسە وتىرىپ جاسالعان», دەپ تولىقتىردى مينيستر.