مەتان شىعارىندىلارىن ازايتۋ بويىنشا اقش پەن ەو باستاماسىنا 100-دەن استام ەل قوسىلدى, بىراق رەسەي بۇل تىزىمنەن تابىلمادى, دەپ حابارلايدى Egemen.kz.
اقش مەملەكەتتىك دەپارتامەنتى مەن ەۋروپالىق سىرتقى ساياسات قىزمەتىنىڭ مالىمەتىنشە, 2030 جىلعا قاراي مەتان شىعارىندىلارىن 30%-عا تومەندەتۋ بويىنشا كەلىسىم جاسالدى.
«تەمپەراتۋرانىڭ ءوسۋىن 1,5 گرادۋس تسەلسي دەڭگەيىندە شەكتەۋ ماقساتىندا اقش, ەۋروپالىق وداق جانە ولاردىڭ سەرىكتەستەرى رەسمي تۇردە مەتان شىعارىندىلارىن ازايتۋ باستاماسىنا قول قويدى», دەلىنگەن قۇجاتتا.
كەلىسىمگە قول قويعان مەملەكەتتەر الەمدىك ەكونوميكانىڭ 70 پايىزىن قۇرايدى. بۇل ەلدەرگە الەم بويىنشا مەتاننىڭ انتروپوگەندىك قالدىعىنىڭ جارتىسى تيەسىلى. الايدا قۇجاتقا رەسەي, قىتاي, ءۇندىستان قول قويۋدان باس تارتتى.
«ينتەرفاكستىڭ» حابارلاۋىنشا, پارنيكتىك گازدىڭ اتموسفەرادا جىلۋدى ساقتاۋ قابىلەتى كومىرقىشقىل گازىنا قاراعاندا الدەقايدا جوعارى. كوپتەگەن ساراپشى مەتان ءوندىرىسى جاھاندىق جىلىنۋدىڭ پوتەنتسيالى كومىرقىشقىل گازىنا قاراعاندا كوپ ەكەنىن ايتىپ دابىل قاعۋدا. ويتكەنى مەتان قىسقا مەرزىمدە اتموسفەرانى جىلدام قىزدىرادى جانە سو2-گە قاراعاندا تەز تارالادى.