الماتىدا ء«اليحان بوكەيحانوۆ. ءداۋىر ادامى» («اليحان بۋكەيحانوۆ. چەلوۆەك-ەپوحا») كىتابىنىڭ تۇساۋكەسەرى ءوتتى, دەپ حابارلايدى Egemen.kz.
كىتاپ اۆتورى – رەسەيلىك ازامات, تاريح عىلىمدارىنىڭ دوكتورى, پروفەسسور, ءسىبىر باسقارۋ جانە بۇقارالىق كوممۋنيكاتسيالار اكادەمياسىنىڭ تەڭ قۇرىلتايشىسى جانە رەكتورى ۆيكتور يۆانوۆيچ كوزودوي. عالىمنىڭ ايتۋىنشا, الاش قايراتكەرى ءاليحان بوكەيحانوۆ جايلى ەڭبەگىن مۇراعاتتان الىنعان اقپاراتتارعا سۇيەنە وتىرىپ جازعان.
سونداي-اق, كىتاپ اۆتورى الاشوردا ۇكىمەتىنىڭ جەتەكشىسى تۋرالى ءبىرى بىلسە, ءبىرى بىلە بەرمەيتىن دەرەكتەر قوسقانىن ايتتى. ش.ءۋاليحانوۆ اتىنداعى تاريح جانە ەتنولوگيا ينستيتۋتىندا وتكەن سالتاناتتى شاراعا عالىمدار, ساياساتتانۋشىلار, تاريحشىلار, ولكەتانۋشىلار, باق وكىلدەرى قاتىستى. شارا بارىسىندا قر ۇلتتىق عىلىم اكادەمياسىنىڭ ۆيتسە-پرەزيدەنتى, فيزيكا-ماتەماتيكا عىلىمدارىنىڭ دوكتورى, پروفەسسور ماقسات قاليمولداەۆ كىتاپ اۆتورىنا قۇرمەت گراموتاسىن تابىستاپ, ۇستىنە شاپان جاپتى.